Joeli 1:10 - ÎVUKU RÎA ÛVORO MWARO

¹⁰ Mîgûnda îtigîtwe îtarî kîndû, nthî nîîracakaya nîûndû ngano nînjûkangie, ndivei nî nthiru na maguta magatura.

Joeli 1:10 ပူးပေါင်းရင်းမြစ်များ

Kîam 4:12

Wana warîma mûtheturî icio, gûtirî kîndû gîgaakûraga kuo. Ndûkaagîa na wîkaro na nîûtûûra ûrûûraga gûkû nthî.”

Isaia 15:6

Karûnjî ka Nimurimu nî kavwîu; nyaki ya kuo nî nyûmû, mîmera nî mîvovu, gûtirî kîndû kîrakûra kuo.

Isaia 24:11

Kûrî na kîrîro na kûu njîrarî nîûndû wa gûtura ndivei; gîkeno kîonthe nî kîthiru; nthî ndîrî na gîkeno.

Isaia 24:7

Mîthavibu nîravova, nayo ndivei îkathira. Arîa onthe marakenaga rîu marî na kîeva.

Jeremia 12:11

Nîmatûmîte ûtuîke îganjo, ûrandîrîra ûrî maganjo, vûrûri wonthe watuîkire werû, nwatî gûtirî mûndû ûtindanagîra naguo.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Jeremia 48:33

Vûrûri mûnoru wa Moabu nîmûcune gîkeno na ûcanjamûku, nîndûmîte ndivei ndîkaume ivivîrorî cia thavibu, gûtirî mûndû ûvivaga ndivei arî na gîkeno, înegene rîu mûregua tî rîa gîkeno.

Hosea 4:3

Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”

Hosea 9:2

Ngano na maguta ma mîtamaiyû itikeegana, matikagîa na ndivei njerû.

Joeli 1:12

Mîthavibu na mîkûyû nî mîvovu; mîtî yonthe ya matunda nî mîthiru vinya, mîkûngûmanga, mîkîndû na mîtunda yonthe nî mîûmû, na gîkeno nî kîthiru gatagatîrî ka andû.

Joeli 1:5

Ûkîrani mue mîrîu na mûrîre: ugîrîriani, mue muonthe anyui a ndivei, thavibu cionthe cia kûrûtha ndivei îno njerû nînjûkangie.

Joeli 2:19

Nîwacokire akîra andû ake atîrî, “Rîu nîngûmûva ngano, ndivei na maguta ma ndamaiyû, na nîmûkwîganîra. Andû a ndûrîrî matikaamûnyarara rîngî.

Alawi 26:20

Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

Habakuku 3:17

Wana ethîrwa mîkûyû tî îraa, kana mîthavibu îciara matunda, na mîtamaiyû îrege gûciara, na mîgûnda îture maketha, ndîthia cia ng'ondu na ng'ombe ciume kûrî irîa ciîngî, na ndîthia cia ng'ombe iture njagarî,

Hagai 1:11

Nîndûmîte kûgîe na thano vûrûrirî, na îgacûkangia irîmarî, mîgûnda ya ngano, mîgûnda ya mîthavibu na ya mîtamaiyû, andû na nyamû na kîrîa kîonthe mûkûragia.”

Malaki 2:3

Taroria, nîngaaverithia ciana cienyu, na nîûndû wa waganu wenyu, nîmûvake mothiû menyu mai ma nyamû irîa mûrutîte irî îtega kûrî nie. Nîngaacoka nîmwîngate ndige kûmwona.