Jeremia 9:8 - ÎVUKU RÎA ÛVORO MWARO

⁸ Tûrîmî twao nîta mîguî îrî na ûvai, twaragia maveeni vîndî cionthe. Wa mûndû aragia waro na mûndû ûrîa mariganîtie nake, nwatî ngororî amûvangagîra ûndû mûcûku.

Jeremia 9:8 ပူးပေါင်းရင်းမြစ်များ

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

Thaburi 12:2

Wa mûndû nîaveenagia ûrîa wîngî, maveenanagia makînyûrûranagia.

Thaburi 12:3

Ngai-Mûnene ûrokiria mîromo îo înyûrûranagia, na ûkirie andû acio metîîaga,

Thaburi 120:3

Mue arîa mûveenanagia, Ngai akaamûva ndûî? Mûkaaverithua na njîra îrîkû?

Thaburi 28:3

Ndûkanduîre ûndû ûmwe na andû arîa aganu, na andû arîa mekaga maûndû macûku, maragia waro nwatî mecûrîtwe nî waganu ngororî ciao.

Thaburi 35:20

Nîûndû mîario yao tî ya thayû, maragia maûndû ma maveeni megiî andû arîa matûûraga na thayû.

Thaburi 55:21

Ciugo ciao cianyorokete gûkîra kîrimû Kîam îriia, nwatî ngoro ciao mecûrîtwe nî rûmena; ciugo ciao cianyorokete ta maguta, nwatî ciatemaga ta mviû ino mbûgî.

Thaburi 57:4

Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Thaburi 62:5

Mbetererete Ngai wenga tu ngirîrîrîtie; kîîrîgîrîro gîakwa kîrî kûrî ke.

Thaburi 64:8

Nîakaamacûkangia nîûndû wa ciugo ciao; arîa onthe makaamona nîmakaainainia ciongo.

Nthi 25:18

Mûndû ûrîa ûrutaga ûira wa maveeni îgûrû rîgiî mûndû ûrîa wîngî, ekariî ta njokoma ya mbaara, kana rûviû, kana mûguî mûûgî.

Jeremia 5:26

Andû arîa aganu monekaga gatagatîrî ka andû akwa, mekaraga metererete ta ategi a iconi mategere mîtego. Mategaga mîtego yao makagwatithie andû.

Jeremia 5:9

Nîngîrega atîa kûmaverithia nîûndû wa maûndû mau, nwa ndege kwîrîvîrîria kûrî vûrûri ta ûyû?

Jeremia 9:3

Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Jeremia 9:4

Mûndû wa wonthe nî emenyerere kûrî arîa mariganîtie nake, na ndakaige mwîvoko kûrî mûrwang'ina, nîûndû andû onthe ao nî a maveeni, na mûndû wa wonthe athiîcaga agîcambagia arata ake.

Jeremia 9:5

Wa mûndû aveenagia mûrata wake, na gûtirî mûndû waragia ûûma, mamenyeretie tûrîmî twao kwaria maveeni, mekaga mevia makaremwa nî kwîrira.

Mika 6:12

Andû arîa itonga nîmaverithagia andû arîa athîni, na muonthe mwîcûrîtwe nî maveeni.