Jeremia 9:5 - ÎVUKU RÎA ÛVORO MWARO

⁵ Wa mûndû aveenagia mûrata wake, na gûtirî mûndû waragia ûûma, mamenyeretie tûrîmî twao kwaria maveeni, mekaga mevia makaremwa nî kwîrira.

Jeremia 9:5 ပူးပေါင်းရင်းမြစ်များ

Kîam 19:11

Nîmaacokire magîtûma arûme onthe arîa maarî nja, mûnene na mûnini matuîke ndumumu nîguo matikavote kwona mûrango.

Ayubu 11:3

Ndeto ciaku cia tûkûtûkû nwa ikirie arûme, na rîrîa ûranyûrûrania, gûtirî mûndû ûngîgûconora?

Ayubu 15:5

We waragia wa maûndû ma waganu, karîmî gaku karagia ndeto cia wara.

Thaburi 140:3

Nîmî ciao nî njûku ta njoka; ciugo ciao ciîkariî ta ûrogi wa kîmvuva.

Thaburi 50:19

“Wîthagîrwa vîndî cionthe wîvarîrîtie kwaria maûndû macûku, ndwîtigagîra ûkîaria maveeni.

Thaburi 52:3

We nîwendete maûndû macûku gûkîra maûndû maro na nîwendete kûveenania gûkîra kwaria ûma.

Thaburi 64:3

Manooraga nîmî ciao ta mviû, na maikagia ciugo ndûrû ta mîguî.

Thaburi 7:14

Taroria, andû arîa aganu mavangaga maûndû marîa macûku; mecûrîtwe nî wîki naaî na maragia maveeni.

Nthi 12:5

Meciria ma andû arîa athingu nî ma kîvooto; nwatî mataaro ma andû arîa aganu nî ma maveeni.

Nthi 4:16

Nîûndû andû arîa aganu matingîmama matekîte naaî; matingîgwatwa nî toro matavîtithîtie mûndû.

Isaia 5:18

Kaî marî na thîna-î! Arîa mekaraga makururîtie mevia, arîa maguucagia mevia na mîkanda ta mûkokoteni.

Isaia 57:10

Mue nîmwenogirie na rûgendo rwa kûthiî kûndû kûraca, nwatî mûtiakua ngoro. Nîmwathiîre na mbere kûgîa na vinya, na kwoguo mûtiagirîka.

Jeremia 12:13

Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”

Jeremia 12:6

Nîûndû wana aa mûrwanyûkwe na andû a mûciî wenyu, nîmagwîkîte maûndû macûku, maragûtetia matagwîtigîra. Ndûkametîkie wanarî vanini, wana ethîrwa nîmarakwarîria ciugo mbaro mûno.”

Jeremia 13:23

Mûndû nwa agarûre rangi wa ngoothi yake, kana ngarî îcenjie maroro mayo? Ethîrwa nwa magarûre, wana mue mûmenyerete gwîka naaî, nwa mwîke maûndû marîa magîrîrîte.

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Jeremia 51:58

Nie Ngai-Mûnene mwene vinya wonthe nîrauga atîrî, “Rûthingo rwariî rwa Babuloni nîrûkomomorwa rûvaraganue viû, na mîrango yakuo mîraca nîîkavîvua na mwaki. Andû marutaga wîra wa mana, mavûrûri marenogia mana na mûthiiarî makavîvua na mwaki!”

Jeremia 51:64

na uge atîrî, ‘Ûguo nîguo vûrûri wa Babuloni ûkaavorokera na ndûgaacoka kuumîra rîngî nîûndû wa mûthiro ûrîa nie Ngai-Mûnene ngûûretera.’ ” Ûyû nîguo mûthiia wa ciugo cia Jeremia.

Jeremia 7:28

Nawe ûkamera atî, ‘Rûrû nî rûrîrî rûrîa rwaregire kwathîkîra mûgambo wa Ngai-Mûnene Ngai wao, na rûkîrega kûrûngwa nîke. Ûûma nîwathirire kûrî o, wana matiaragia ûvoro waguo.’

Jeremia 9:3

Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Jeremia 9:8

Tûrîmî twao nîta mîguî îrî na ûvai, twaragia maveeni vîndî cionthe. Wa mûndû aragia waro na mûndû ûrîa mariganîtie nake, nwatî ngororî amûvangagîra ûndû mûcûku.

Ezek 24:12

Nwatî nîrenogia mana nîûndû nganga icio itingîthirua nî mwaki.

Mika 6:12

Andû arîa itonga nîmaverithagia andû arîa athîni, na muonthe mwîcûrîtwe nî maveeni.

Mika 6:3

Ngai-Mûnene arauga atîrî, “Mue andû akwa, nî atîa nîmwîkîte? Nîmûnogetie na ndûî? Mbîrani!

Habakuku 2:13

Anga tî kuuma kûrî Ngai-Mûnene mwene vinya wonthe, wîra wao mwîngî ûragîra mwakirî, na mavûrûri menogagia mana.

Malaki 2:10

Na kinthî tuonthe tûtirî a îthe ûmwe? Na kinthî tuonthe tûtiaûmbirwe nî Ngai wa ûmwe? Nîndûî vi kîgiragia twîthîrwa tûrî evokeku mûndû na ûrîa wîngî, na tûgatûma kîrîkanîro Kîam Ngai na methe metû kîgîa na kîrumi.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

1Tim 4:2

Andû mvinga na arîa mathanaga mathomithanagia maûndû ta mama. Thamiri cia andû ta aya nîciakwire na ciîkaraga takwa irî mvîvie na cuuma mviû.

Atir 2:10

Vuva wa ûguo, andû onthe a rûciaro rûu nîmaakuire. Nao andû a rûciaro rûu rwarûmîrîre nîmaariganîrwe nî Ngai-Mûnene na maûndû marîa Ngai-Mûnene eekîrîte andû a Isiraeli.