Jeremia 9:3 - ÎVUKU RÎA ÛVORO MWARO

³ Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Jeremia 9:3 ပူးပေါင်းရင်းမြစ်များ

Kîam 39:16

Mûndûmûka ûcio nîwaigire nguo îo nginya rîrîa mwathi wa Josefu aaûkire mûciî,

Nthi 12:5

Meciria ma andû arîa athingu nî ma kîvooto; nwatî mataaro ma andû arîa aganu nî ma maveeni.

Isaia 1:3

Ng'ombe nîimenyaga mwene cio, na mvunda nîimenyaga rwaga rwa mwathi wa cio; nwatî Aisiraeli matiîcî, andû akwa matitaûkagîrwa.”

Isaia 3:5

Andû nîmakaavinyanagîrîria, wa mûndû na ûrîa wîngî; andû ethî nîmakaaira andû arîa akûrû, na andû matarî kîene nîmakaaira anene ao.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Isaia 9:18

Waganu wa andû wakanaga ta mwaki ûvîvagia nthaugû na mîgua. Wakanaga ta mwaki ûkîvîvia mûtitû ûkîrutaga ndogo ndito îkiunûkagia na îgûrû.

Jeremia 12:6

Nîûndû wana aa mûrwanyûkwe na andû a mûciî wenyu, nîmagwîkîte maûndû macûku, maragûtetia matagwîtigîra. Ndûkametîkie wanarî vanini, wana ethîrwa nîmarakwarîria ciugo mbaro mûno.”

Jeremia 22:16

Nîwonanagia kîvooto kûrî ngîa na athîni, maûndû make nîmaagagîra. Gwîka ûguo nîkuo kûmenya Ngai-Mûnene.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Jeremia 5:4

Nanie nînacokire ngiuga atîrî, “Aya nî andû athîni na matirî ûûgî! Nîûndû matiîcî maûndû marîa Ngai-Mûnene endaga, na matiîcî watho wa Ngai wao.

Jeremia 5:5

Nîngûthiî kûrî anene na mbarie nao, nîûndû nîmaicî ûrîa Ngai-Mûnene endaga, nîmaicî watho wa Ngai wao.” Nwatî onthe nîmareganîte na Ngai-Mûnene; na makarega kûmwathîkîra.

Jeremia 6:28

Onthe nî aremi na marî ngoro nyûmû, mathiîcaga makîgutanaga, maûmîte ta gîcango na cuuma, onthe matiîkaga maûndû ma ûûma.

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Jeremia 9:5

Wa mûndû aveenagia mûrata wake, na gûtirî mûndû waragia ûûma, mamenyeretie tûrîmî twao kwaria maveeni, mekaga mevia makaremwa nî kwîrira.

Jeremia 9:8

Tûrîmî twao nîta mîguî îrî na ûvai, twaragia maveeni vîndî cionthe. Wa mûndû aragia waro na mûndû ûrîa mariganîtie nake, nwatî ngororî amûvangagîra ûndû mûcûku.

Ezek 8:13

Ngai nîwambûririe atîrî, “Nîûkoona magîka maûndû manene makîria marîa menete.”

Danieli 11:27

Athamaki acio aîrî nîmagaacoka marîcanîre vamwe, nwatî wa oîrî makaaveenanagia na makathugundaga maûndû macûku megiî ûrîa wîngî. Nwatî gûtirî mûvango wanarî ûmwe ûkaavinga, nîûndû kavinda ka guo gatikeethîrwa karî gakinyu.

Alawi 19:11

“Mûtikanaîe kana mûveenia mûndû ûrîa wîngî.

Maariko 8:38

Mûndû wa wonthe ûnjonokagîra, na agaconokera ciugo ciakwa, rûciarorî rûrû rûtetîkîtie na rwîvia, Mûrû wa Mûndû wa nake nîakaamûconokera rîrîa agaaûka na riiri wa îthe marî na araika arîa atheru.”

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Ciîko 24:9

Ayahudi acio engî wa nao nîmaathitangire Paûlo na makiuga atî maûndû mau monthe maarî ma ma.

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

Aroma 3:13

Mîmero yao nî ta mbîîrîra ngunûre, nîmî ciao ciaragia maveeni. Mîromorî yao kuumaga ndeto ndûrû ta ûrogi wa njoka.

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

Afil 1:28

Mûtigetigîre nthû cienyu. Îthagîrwani mûrî na ûmîrîru vingo cionthe. Mweka ûguo nîmûkwonia nthû cienyu atî itikaavootana, nwatî nîmûkaavootana nîûndû Ngai nîke ûtûmaga mûvootane.

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.

Atir 14:17

Mûka wa Samusoni nîwarîrire mîthenya îo mûgwanja ya kîrugo kîu nîguo Samusoni amûtaûrîre ndaî îo. Nwatî mûthenya wa mûgwanja Samusoni nîwerire mûka ûrîa ndaî îo yaugaga nîûndû nîwamûthînagia mûno. Nake mûka wa Samusoni nîwacokire akîra Afilisiti acio.

Atir 2:10

Vuva wa ûguo, andû onthe a rûciaro rûu nîmaakuire. Nao andû a rûciaro rûu rwarûmîrîre nîmaariganîrwe nî Ngai-Mûnene na maûndû marîa Ngai-Mûnene eekîrîte andû a Isiraeli.

1Sam 2:12

Nake Eli aarî na anake ake. Anake acio maarî aganu na matiavecaga Ngai-Mûnene gîtîîo,