Jeremia 9:21 - ÎVUKU RÎA ÛVORO MWARO

²¹ Nîûndû gîkuû nîgîtonyererete ndiricarî cietû, nîgîtonyete nyombarî cietû irîa mbaro, nîkîûragîrîte ciana njîrarî cia îtûûra, na gîkathiria andû ethî thokorî.

Jeremia 9:21 ပူးပေါင်းရင်းမြစ်များ

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Isaia 40:30

Wana andû arîa ethî nîmakaathira vinya na manoge, na andû arîa matarî akûrû nîmakaagwa nî kûnoga.

Jeremia 15:7

Nîmagûrûkîtie na gîtaararû, matûûrarî monthe ma vûrûri. Nînjûkangîtie andû akwa, na ngaûraga ciana ciao, nîûndû nîmaaregire gûtigana na mîthiîre yao.

Jeremia 18:21

Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Jeremia 44:7

“Na rîu Ngai-Mûnene, Ngai mwene vinya wonthe, Ngai wa Isiraeli arakûûria atî: Nîndûî gîtûmîte mwîreterera maûndû macûku ûguo, na mwîcûkangia mue ene? Gûtirî mûndû wanarî ûmwe wenyu ûtigarîte Juda, mûndûmûrûme kana mûndûmûka, ngenge na ciana.

Jeremia 50:30

Kwoguo anake a îtûûra rîu makaûragîrwa ivaarorî ciarîo na athigari onthe a rîo nîmagacûkangua mûthenya ûcio. Ûguo nîguo nie Ngai-Mûnene nauga.

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Jeremia 6:21

Kwoguo nie Ngai-Mûnene nîrauga atîrî, “Taroria nîngwigîra andû aya maûndû ma kûmavînga, methe vamwe na anake ao, andû arîa mariganîtie nao na arata nîmakaathira.”

Jeremia 7:33

Ciimba cia andû aya ikaarîwa nî iconi cia rîerarî na nyamû cia kîthaka na gûtirî mûndû ûkaimakia.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Joeli 2:9

Mavinyûranagia rûthingorî; mavaritaga nyomba magatonyerera îgûrû; matonyagîrîra ndiricarî ta aîi.

Amosi 5:2

We nthingi Isiraeli nîûgwîte na ndûngîûkîra rîngî, ûtigîtwe ûrî wenga vûrûrirî waku, gûtirî wanarî mûndû wa gûkûrûngamia.

Amosi 6:9

Kûngîkethîrwa na andû îkûmi matigarîte mûciî ûmwe, nîmagaakua.

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.