Jeremia 9:20 - ÎVUKU RÎA ÛVORO MWARO

²⁰ Mue aka ta thikîrîriani ciugo cia Ngai-Mûnene, tegani matû mwîgue ûrîa arauga. Thomithiani erîtu enyu gûcakaya, na mûthomithie arata enyu nyîmbo cia mathiko.

Jeremia 9:20 ပူးပေါင်းရင်းမြစ်များ

Ayubu 22:22

Amûkagîra ûrîa Ngai agûkûthomithia, na wigage ciugo ciake ngororî yaku.

Isaia 3:16

Ngai-Mûnene augîte atîrî, “Aka a Zayuni marî mwîtîîo, mathiîcaga maûkîrîrîtie ciongo makîîroraroragia, makinyûkagia na mwîcaaro, makîgambagia njang'iri magûrû.

Isaia 3:4

Ngai-Mûnene nîagaatûma ciana ituîke anene ao, na atûme ngenge imathage.

Jeremia 14:16

Nao andû arîa marathîra maûndû mama nîmakaûragwa na njîra wata îo. Ciimba ciao nîigaatewa njîrarî cia Jerusalemu, na gûtirî mûndû ûkaithika, aka ao, avîcî ao na erîtu ao, nîngaamaverithia nîûndû wa waganu wao.

Jeremia 23:16

Ngai-Mûnene nîwerire andû a Jerusalemu atîrî, “Mûtikathikagîrîrie arathi arîa mamûrathagîra, makîmûvecaga ciîrîgîrîro itavingaga, maragia ûvoro wa cioneki cia gwîciirîria na tî maûndû marîa nîmerîte maarie.

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Jeremia 9:12

Kûrî na mûndû mûûgî ûngîvota gûtaûkîrwa nî maûndû mama? Nî ûrîkû Ngai-Mûnene erîte maûndû mama nîguo amenyithie andû? Nîndûî gîtûmîte vûrûri ûcûkangue na ûtigwe wîkariî ta werû na gûtirî mûndû ûvîtûkagîrîra kuo?

Maca 2:19

Ramûka ûkaîre Ngai-Mûnene ûtukû! Rara ûgîkaîra Ngai-Mûnene! Mûvoe nîûndû wa ciana cienyu, irîa irakua nî yûra irî njîrarî.

Maca 2:21

Andû arîa akûrû na arîa ethî onthe magwîte njîrarî, nao anake na erîtu maûragîtwe na mviû. Wamaûragire ûtarî na ntha nîûndû wa marakara maku.