Jeremia 9:19 - ÎVUKU RÎA ÛVORO MWARO

¹⁹ Nîûndû mûgambo wa kîrîro nîûreguîka kûu Zayuni ûkiuga atîrî, “Tûrî acûkangie viû! Tûrî aconorithie viû! Nwanginya tume vûrûrirî wetû; nîûndû mîciî yetû nîmîomomore.”

Jeremia 9:19 ပူးပေါင်းရင်းမြစ်များ

Isaia 32:9

Ûkîrani, mue aka aya mûtûûraga mwîganîrîte, thikîrîriani mûgambo wakwa, mue erîtu aya mûtarî ûndû mwîtigagîra, thikîrîriani ûrîa nguuga.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 2:14

Isiraeli nî ngombo kana nîkwa aaciarîrwe ûkomborî? Nîndûî gîtûmîte atuîka ta nyamû ya kûguîmwa?

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Jeremia 4:20

Mûthiro ûrarûmîrîra mûthiro wîngî, vûrûri wonthe nîmûcûkangie viû. Magema metû nîmacûkangua wa rîmwe; mbathia cietû igatarûrangwa wa rîmwe.

Jeremia 7:15

Nîmwîngata mume mbere yakwa wata ûrîa nengatire andû enyu onthe, njiarwa cia Efiraimu.”

Jeremia 7:19

Nama, nînie mararakaria? Naarî, nî o ene marerakaria na makeretera gîconoko.

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Maca 4:15

Andû maaugagîrîria makameera atîrî, “Umani ava. Mue mûrî mûgiro! Thiîni! Mûtikamvutie!” Kwoguo andû acio maatuîkire aûrûri matarî gîkaro, maumaga vûrûrirî ûmwe makathiî ûrîa wîngî; andû a mavûrûri maugaga atîrî: “Matigekarania natue rîngî.”

Maca 5:2

Vûrûri wetû nîwocetwe nî ageni, mîciî yetû îtûûrîtwe nî andû engî.

Ezek 27:2

“Mûndû, ina rwîmbo rwa macakaya nîûndû wa îtûûra rîa Turo,

Alawi 18:25

Ciîko ciao nîciatûmire vûrûri wao ûnyitwe nî gîko, kwoguo nîmverithia vûrûri ûcio na ndûme vûrûri ûcio ûtavîke andû arîa matûûraga kuo.

Alawi 18:28

Mweka ûguo vûrûri ûcio nîûkaamûtavîka ta ûrîa watavîkire andû a ndûrîrî arîa maatûûraga kuo mbere yenyu.

Alawi 20:22

“Kwoguo vingagiani mawatho makwa monthe na maathani makwa nîguo mûtigatavîkwe nî vûrûri ûrîa ngûmûvira mûgatûûre.

Mika 2:10

Ûkîrani mûthiî, nîûndû gûkû gûtirî na gwa kûvurûka. Mevia menyu nîmatûmîte kûndû gûkû gûcûkangue.

Mika 2:4

Kavinda kau gakinya andû nîmakaainaga makîmûthekerera, makaarîra na macakae makiugaga atîrî, ‘Nîtûcûkangîtue viû; Ngai-Mûnene nîwocete vûrûri wetû, nîatûcunîte guo kuuma njararî cietû, mîgûnda yetû nîamîgaîrîte andû arîa maatûtavire.’ ”

Gûco 28:29

Mûkaathiîcaga mûthenya mûkînyitanyitaga ta ndumumu na gûtirî ûndû ûkaamûthatûka maûndûrî marîa mûgeekaga. Mûkaavinyagîrîrua vîndî cionthe na mûgacunagwa indo cienyu na vinya na gûtirî mûndû ûkaamûtethia.