Jeremia 8:3 - ÎVUKU RÎA ÛVORO MWARO

³ Andû arîa maatigarire a rûrîrî rûrû rwaganu, arîa matûûraga kûrîa namanyaganirie nîmakerirîria gûkua gûkîra gûtûûra mwoyo, ûguo nîguo Ngai-Mûnene, mwene vinya wonthe arauga.”

Jeremia 8:3 ပူးပေါင်းရင်းမြစ်များ

1Atha 19:4

na akîthiî werûrî rûgendo rwa mûthenya mûgima. Nîwakinyire vandû vaarî na mûtî na agîkara nthî kîrururî Kîamguo, nîwerirîrie gûkua na akîvoya atîrî, “Rîu Ngai-Mûnene maûndû mau monete nîmeganu, wana nî kava nguîte ta methe makwa ma tene!”

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Jeremia 23:8

nwatî makevîtaga makiugaga, ‘Wata ûrîa Ngai-Mûnene atûûraga mwoyo, ûrîa watongoririe andû a Isiraeli kuuma mavûrûrirî marîa marî mwena wa rûgûrû na akîmaruta mavûrûrirî monthe kûrîa aamanyaganîrîtie.’ Nao nîmagacoka matûûre vûrûrirî wao kîûmbe.”

Jeremia 29:14

nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 29:28

Ke nîwagîrîrwe nî kûgirua kûratha nîûndû ethîrîtwe akîrathîra andû arîa marî Babuloni atî nîmatûûra marî îthamîriorî kavinda karaca, na nîmagîrîrwe nî gûtuma nyomba na matûûre kuo, na marîme mîgûnda na marîe maketha ma mîgûnda yao.’ ”

Jeremia 40:12

Kwoguo onthe nîmaumire mavûrûrirî monthe kûrîa maanyaganîtie, na makîthiî vûrûrirî wa Juda, kwa Gedalia kûu Mizipa. Nao nîmaaûnganirie ndivei na matunda meengî mûno.

Jeremia 44:2

“Ngai-Mûnene, mwene vinya wonthe, Ngai wa Isiraeli arauga atî: We nîwonete maûndû monthe macûku marîa mbîkîte îtûûrarî rîa Jerusalemu na matûûra monthe ma Juda. Taroria, nginya ûmûnthî matûûra mau nî maganjo, na gûtirî mûndû ûtûûraga kuo.

Jeremia 44:6

Kwoguo nînakanirwe mûno nî marakara na mang'ûrîka na ngîmetûrûra matûûrarî ma Juda na njîrarî cia Jerusalemu. Nakuo gwatuîkire maganjo, kûndû gûtatûûragwa nî andû nginya ûmûnthî.

Jeremia 6:9

Ngai-Mûnene mwene vinya wonthe arauga atîrî, “Cokanîrîriani andû onthe a Isiraeli arîa matigarîte, wata ûrîa mûkethi wa thavibu aûnganagia thavibu cionthe; ta mûkethi wa thavibu, virani njara cienyu rîngî mvûarî cia mîthavibu.”

Danieli 9:7

We, Mwathani, wîthagîrwa ûrî mûthingu vîndî cionthe. Nwatî tue, tûtûûraga tûrî na gîconoko, wana andû onthe arîa matûûraga Judea na Jerusalemu, na andû onthe a Isiraeli arîa marî mavûrûrirî marîa marî vakuvî na marî kûraca, nîûndû matiarî evokeku kûrî we.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Amosi 3:1

Mue andû a Isiraeli, tathikîrîriani ndûmîrîri îrîa Ngai-Mûnene arîtie îmwîgiî mue arîa onthe aarutire vûrûri wa Misiri.

Jona 4:3

Kwoguo rîu, we Ngai-Mûnene, nakûthaitha ûmbûrage. Nîkava ngue gûkîra ndûûre mwoyo.”

Mika 2:3

Kwoguo Ngai-Mûnene augîte atîrî, “Nîmvangîte kûmûretithîria mûthiro, na mûtikaavota kûra mume kûrî guo. Rîkethîrwa rîrî îvinda rîa thîna, na gûtirî mûndû ûkaathiîcaga na mwîtîîo.

Gûco 30:1

Musa nîwerire andû a Isiraeli atîrî, “Rîrîa maûndû mau monthe narîkia kûmwîra megiî kîrumi na kîrathimo makaamûnyita, na mwîcirie waro ûvoro wamo mûrî mavûrûrirî marîa Ngai-Mûnene Ngai wenyu amûnyaganîtie,

Gûco 30:4

Wana ethîrwa mûnyaganîtie nginya mîthiia ya nthî, Ngai-Mûnene Ngai wenyu nîakaamûruta kuo na amûcokanîrîrie vamwe.

Kûguû 6:16

Nao nîmeetire irîma na mathiga makiugaga atîrî, “Tûgwîreni na mûtûthithe nîguo ûrîa wîkarîrîte gîtî Kîam ûthamaki ndagatwone na Gatûrûme ndakavote gûtûverithia!

Kûguû 9:6

Vandû va mîeri îo îtano andû nîmagaacaria gîkuû, nwatî matigakîona. Nîmakeerirîria gûkua, nwatî gîkuû nîgîkaûra kuuma kûrî o.