Jeremia 8:2 - ÎVUKU RÎA ÛVORO MWARO

² Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Jeremia 8:2 ပူးပေါင်းရင်းမြစ်များ

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 21:3

Nîwatumire rîngî kûndû gwa kûgoocagîrwa ngai cia mîvuanano kûrîa îthe Hezekia aacûkangîtie; nîwatumire metha cia magongoona cia Baali na akîrûtha mûvuanano wa ngai ya nga ya Ashera, ta ûrîa Ahabu mûthamaki wa Isiraeli eekîte. Makîria ya ûguo, Manase nwa wagoocaga ciûmbe cionthe cia îgûrû na agaitungatîra.

2Atha 21:5

Nîwatumire metha cia kîgongoona cia kûgoocagîra ciûmbe cia îgûrû ivaarorî igîrî cia hekarû ya Ngai-Mûnene.

2Atha 23:5

Nîwatigithirie wîra athînjîri-Ngai onthe arîa athamaki a Juda maamûrîte na maarutagîra magongoona kûndû kûrîa gûtûgîru matûûrarî ma Juda na kûndû kûrîa kwarî vakuvî na Jerusalemu; acio nî athînjîri-Ngai onthe arîa maarutagîra Baali, riûa, mweri, njata na indo cionthe cia îgûrû magongoona.

Thaburi 53:5

Marî kûu nîmakaanyitwa nî guoya nyîngî mûno, guoya matarî magîa nayo rîngî, nîûndû Ngai nîakaanyagania mavîndî ma nthû cia andû ake. Andû acio nîmagaaconorithua nîûndû Ngai nîamaregete.

Thaburi 83:10

andû arîa wathirîrie Endoru, na mîîrî yao yorere nthî.

Thaburi 83:11

Wîke atongoria ao wata ûrîa wekire Orebu na Zeebu, wîke anene ao onthe wata ûrîa wekire Zeba na Zalimuna,

Mûvunjia 6:3

Mûndû angîciara ciana îgana rîmwe na atûûre mîaka mîngî, nwatî arege gwîkenia na indo mbaro ûtûûrorî kana arege kûthikwa, nie nîmbuga atî mwana ûrîa ûciarîtwe arî kîvuno nî mwaro gûkîra mûndû ûcio.

Jeremia 14:16

Nao andû arîa marathîra maûndû mama nîmakaûragwa na njîra wata îo. Ciimba ciao nîigaatewa njîrarî cia Jerusalemu, na gûtirî mûndû ûkaithika, aka ao, avîcî ao na erîtu ao, nîngaamaverithia nîûndû wa waganu wao.

Jeremia 16:11

We nîûgacoka ûmeere atîrî, ‘Ngai-Mûnene arauga atî, nîûndû methe menyu nîmandiganîrîtie na makambîrîria kûgooca na gûtungatîra ngai ciîngî, nîmandiganîrîtie na matiathîkagîra mawatho makwa.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 16:6

Itonga na athîni onthe nîmakuîra vûrûrirî ûyû, matikathikwa na gûtirî mûndû ûkamacakaîra, kana etemanga, kana enje kîrîa nîguo onanie atî nîaramacakaîra.

Jeremia 19:13

Nyomba cia Jerusalemu na nyomba cia athamaki a Juda, na nyomba cionthe irîa îgûrû rîa cio kwavîvagîrua ûbani kûrî njata irîa îtûûraga îgûrû na gûkarutîrwa matega ma ndivei kûrî ngai ciîngî, nîgûkaagwatwa nî mûgiro wata Tofethi.”

Jeremia 22:19

Ke akathikwa ta mvunda, agakururua na aikue nja ya mîîrîga ya Jerusalemu.”

Jeremia 25:33

Mûthenya ûcio andû arîa makaûragwa nî Ngai-Mûnene makanyagania kuuma mûthiia ûmwe wa nthî kûthiî ûrîa wîngî. Matigacakaîrwa, matikaûnganua kana mathikwa; makanyagarûkua nthî ta irûndo cia thumu.

Jeremia 31:40

Nakîo Kîamnda kîonthe kûrîa ciimba ithikagwa na gûtecagwa mûu na mûgûnda wonthe kuuma karûnjîrî ga Kidironi nginya mûthiiarî wa kîvingo Kîam mbarathi kîrîa kîrî mwena wa îrathîro nîgûkaamûrîrwa Ngai-Mûnene. Îtûûra rîu rîtigacoka kwanangwa kana kwomomorwa rîngî tene na tene.”

Jeremia 36:30

Kwoguo nie Ngai-Mûnene nîrauga îgûrû rîgiî Jehoiakimu mûthamaki wa Juda atî, gûtirî mûndû wa rûciaro rwake ûgekarîra gîtî Kîam Daudi Kîam ûthamaki. Kimba gîake nîgîgaikua nja nîguo kîvîe nî riûa mûthenya na ûtukû kîvîvue nî mvevo.

Jeremia 9:20

Mue aka ta thikîrîriani ciugo cia Ngai-Mûnene, tegani matû mwîgue ûrîa arauga. Thomithiani erîtu enyu gûcakaya, na mûthomithie arata enyu nyîmbo cia mathiko.

Jeremia 9:21

Nîûndû gîkuû nîgîtonyererete ndiricarî cietû, nîgîtonyete nyombarî cietû irîa mbaro, nîkîûragîrîte ciana njîrarî cia îtûûra, na gîkathiria andû ethî thokorî.

Jeremia 9:22

Ngai-Mûnene nîwambîrire mbuge atî: “Ciimba cia andû inyagarûkîte ta mai ma ng'ombe mîgûndarî, ta imanja cia ngano itemetwe nî mûkethi, itarî na mûndû wa gûciûngani.”

Ezek 29:5

We vamwe na nthamaki icio nîngaamwikia werûrî na mîîrî yenyu nîîkagwa kûndû gûtarî kîndû na ndîkaathikwa. Mîîrî yenyu îgaatuîka irio cia nyamû cia kîthakarî na iconi cia rîerarî.

Ezek 39:5

Mûkaaûragîrwa Mûtitûrî. Ûguo nîguo nie Mwathani Ngai-Mûnene mbugîte.

Ezek 6:5

Ciimba cia Aisiraeli nîngaacikia mbere ya ngai ciao cia mîvuanano, na nyaganie mavîndî mao mîenarî yonthe ya metha cia kîgongoona.

Ezek 8:16

Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Ciîko 7:42

Nwatî Ngai nîwamatiganîrie na akîmarekereria magooce njata cia îgûrû wata ûrîa kwandîkîtwe îvukuurî rîa arathi atîrî, ‘Andû a Isiraeli! Nie tî nie mwathînjagîra na mûkarutîra magongoona vîndî îrîa mue mwaûrûraga werûrî kwa îvinda rîa mîaka mîrongo îna.

Gûco 17:3

na njîra ya kûgooca na gûtungatîra ngai ciîngî: riûa, mweri kana njata irîa ngananîtie,

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.