Jeremia 8:18 - ÎVUKU RÎA ÛVORO MWARO

¹⁸ Nîrî na kîeva gîtangîthira, nîrî mûrwaru ngoro.

Jeremia 8:18 ပူးပေါင်းရင်းမြစ်များ

Thaburi 143:7

Njokeria narua, we Ngai-Mûnene! Nîrîmûkuû ngoro viû. Ndûkandiganîrie, nîûndû warega kûndethia nîngûthiî kwa arîa akuû.

Isaia 22:4

Kwoguo rîu nîramwîra atîrî: Mûtigatindanîre nanie, tiganani nanie ndîre methori ma ruuo, mûtikethînie kûmvoreria nîûndû wa ûrîa andû akwa macûkangîtue.

Jeremia 23:9

Ûvoro wîgiî arathi acio nie nîregua nthînîkîte ngororî, mavîndî makwa monthe nîmarainaina, mbîkariî ta mûrîu, ta mûndû mûvote nî ndivei, nîûndû wa Ngai-Mûnene, na nîûndû wa ciugo ciake ntheru.

Jeremia 4:19

Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Jeremia 6:24

Andû a Jerusalemu marauga atîrî, “Nîtwîguîte ûvoro wao, njara cietû ikathira vinya; nîtûgîte na ûrûrû ta rwa mûndûmûka agîciara.

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Maca 5:17

Nîûndû wa ûguo ngoro cietû nî ndwaru, na metho metû magatiga kwona,

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.