Jeremia 8:17 - ÎVUKU RÎA ÛVORO MWARO

¹⁷ Ngai-Mûnene arauga atîrî, “Taroria nînîratûma njoka gatagatîrî kenyu, njoka irî na ûrogi itangîrogeka na nîikaamûrûma.”

Jeremia 8:17 ပူးပေါင်းရင်းမြစ်များ

Thaburi 58:6

We Ngai, unanga magego mao; kûûra magego ma andû aya mekariî ta mînyambû, we Ngai-Mûnene.

Mûvunjia 10:11

Njoka îngîrûma mûndû mbere ya îvenererua, mûmîveenereria ndarî na vata.

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Amosi 5:19

Nîta mûndû akîûra nî mûnyambû agacoka agatûngwa nî ngatûnyi, kana atonyete nyomba na agetira rûthingorî na njara îkarûmwa nî njoka.

Amosi 9:3

Wana mangîkeethitha kîrîmarî gîa Karimeli îgûrû, nîngamacaria nîmarute kuo. Wana mangîkeethitha kûraca nanie îriarî kûrîa kûrikîru mûno, nîngaatha njoka îrîa îtûûraga îriarî îmarûme.

Ndari 21:6

Ngai-Mûnene nîwarekirie njoka irîa irî ûrogi na ikîrûma andû a Isiraeli eengî na magîkua.

Gûco 32:24

Nîmagaakua nîûndû wa yûra, na maûragwe nî mîrimû mîcûku. Nîngaatûma matharîkîrwe nî nyamû cia kîthaka, na ndûme njoka irîa irî ûrogi imarûme.

Kûguû 9:19

Vinya wa mbarathi icio warî tûnyuarî twacio na mîkiarî yacio. Mîkia yacio yekariî ta njoka irî na ciongo, na nîciavûthagîra mîkia îo kûnyamaria andû.