Jeremia 7:7 - ÎVUKU RÎA ÛVORO MWARO

⁷ Nîûndû mweka ûguo nîngûmwîtîkîria gûtûûra vûrûrirî ûyû, ûrîa naveere methe menyu matûûre kuo tene na tene.

Jeremia 7:7 ပူးပေါင်းရင်းမြစ်များ

2Maû 33:8

Ndikaareka andû a Isiraeli mengatwa kuuma vûrûrirî ûyû neerîre methe mao rîngî, ethîrwa nîmakaarûmîrîra na kinyi maûndû monthe megiî mawatho monthe na matuîro ma ciira marîa namaathire kûvîtûkîrîra kûrî Musa.”

Ntha 22:22

Mûtikaanavîtîrie mûndûmûka wa ndigwa kana mwana wa ndigwa,

Isaia 1:19

Ethîrwa nîmûgûîtîkîra kûmbathîkîra, nîmûkaarîa maciaro maro ma nthî.

Jeremia 25:5

Maamwîraga atîrî, “Mûndû wa wonthe nîatigane na mîthiîre yake mîcûku na maûndû ma waganu; nîguo mûtûûre vûrûrirî ûrîa Ngai-Mûnene aamûveere vamwe na methe menyu ûtuîke wenyu tene na tene.

Jeremia 26:13

Kwoguo rîu rûngariani mîthiîre yenyu na ciîko cienyu, na mwathîkîre mûgambo wa Ngai-Mûnene Ngai wenyu. Nake Ngai-Mûnene nîakwîricûkwa atige gwîka maûndû marîa augîte nîakûmwîka.

Jeremia 3:18

Vîndî îo andû a Juda nîmakaanyitanîra na andû a Isiraeli, na marî vamwe nîmakauma vûrûri ûrîa ûrî mwena wa rûgûrû na macoke vûrûri ûrîa naveere methe menyu ûrî îgai rîao.”

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 4:1

Ngai-Mûnene arauga atîrî, “Mue andû a Isiraeli mûngîenda kûnjokerera njokererani. Mûngîruta indo irîa irî mûgiro mbere yakwa na mûtuîke evokeku kûrî nie,

Zefania 3:7

Neîraga atî, nama andû akwa makanîtigîra, na metîkîre ngîmarûnga, nao matikariganîrwa nî ûrîa namaverithîtie. Nwatî andû ake nîmaathiîre na mbere kwîrirîria mûno gwîka maûndû mao macûku.”

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”