Jeremia 7:28 - ÎVUKU RÎA ÛVORO MWARO

²⁸ Nawe ûkamera atî, ‘Rûrû nî rûrîrî rûrîa rwaregire kwathîkîra mûgambo wa Ngai-Mûnene Ngai wao, na rûkîrega kûrûngwa nîke. Ûûma nîwathirire kûrî o, wana matiaragia ûvoro waguo.’

Jeremia 7:28 ပူးပေါင်းရင်းမြစ်များ

Thaburi 12:2

Wa mûndû nîaveenagia ûrîa wîngî, maveenanagia makînyûrûranagia.

Thaburi 50:17

Nîûregaga ngûtaare; ndwendaga kûrûmîrîra mawatho makwa.

Nthi 1:7

Gwîtigîra Ngai-Mûnene nîkîo Kîammbîrîria gîa kûgîa na ûmenyo. Andû arîa aritu nîmanyararaga ûûgî na kîrîra.

Isaia 30:9

Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.

Jeremia 11:10

Nîmacokererete mevia marîa meekagwa nî methe mao, arîa maregire kûmbathîkîra; na nîmagoocete ngai ciîngî. Andû a Isiraeli na Juda nîmaunîte kîrîkanîro kîrîa narûthire na methe mao.

Jeremia 17:23

Kûnarî ûguo, methe menyu ma tene matianthikîrîria kana mambîgua. Vandû va ûguo, nîmaûmirie ciongo nîguo matikegue kana marûmîrîra kîrîra gîakwa.”

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 32:33

Nîmamvuvatîrîte vandû va kûngarûrûkîra. Wana ethîrwa mbîthîrîtwe ngîmathomithia, nîmaregete kûnthikîrîria na kwathîkîra kîrîra gîakwa.

Jeremia 5:1

Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Jeremia 6:17

Nînathuurire andû a kûmûrangîra na ngîmera atîrî, ‘Thikagîrîriani mîgambo ya tûrumbeta.’ Nwatî nîmambîrire atîrî, ‘Tîtûthikîrîria.’

Jeremia 6:28

Onthe nî aremi na marî ngoro nyûmû, mathiîcaga makîgutanaga, maûmîte ta gîcango na cuuma, onthe matiîkaga maûndû ma ûûma.

Jeremia 6:8

We Jerusalemu, maûndû mama nîmatuîke ma gûgûkaania, ethîrwa tîguo nîngûmûtiganîria, ndûme ûtuîke werû, kûndû gûtatûûraga andû.”

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Zefania 3:2

Ndathikagîrîria mûgambo wa wonthe, ndetîkagîra kûrûngwa. Ke ndetîkagia Ngai-Mûnene, na ndakuvîvagîria Ngai wake.

Zefania 3:7

Neîraga atî, nama andû akwa makanîtigîra, na metîkîre ngîmarûnga, nao matikariganîrwa nî ûrîa namaverithîtie. Nwatî andû ake nîmaathiîre na mbere kwîrirîria mûno gwîka maûndû mao macûku.”