Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 7:18 - ÎVUKU RÎA ÛVORO MWARO

18 Ciana ciunaga ngû, methe magakia mwaki, nao aa ng'ina magakanda mûtu wa kûruga mîgate ya ngai ya mûndûmûka îrîa metaga mûthamaki mûndûmûka wa îgûrû. Marutagîra ngai ciîngî matega ma ndivei, nîguo matûme ndakare.

အခန်းကိုကြည့်ပါ။ ကော်ပီ




Jeremia 7:18
28 ပူးပေါင်းရင်းမြစ်များ  

Nwatî we nîwîkîte mevia manene, gûkîra athamaki onthe arîa maarî mbere yaku. Nîûndiganîrîtie na ûkandakaria na njîra ya kwîrûthîra ngai ciîngî cia mîvuanano.


“We warî mûndû ûtarî na vata, nwatî nînaagûtûgîririe na ngîgûtua mûtongoria wa andû akwa, Aisiraeli. Na rîu nîwîvîtie ta Jeroboamu na ûgatûma andû akwa, Aisiraeli mevie, namo mevia mao magatûma ndakare.


Andû arîa magoocaga ngai ciîngî, nîmeretagîrîra mathîna meengî mûno, Nie ndikaanyitanîra nao makîruta magongoona mao, na ndikaagooca ngai ciao.


Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.


Mwocaga mathiga marîa manyoroku kuuma Kîamndarî. Mûmocaga mûkîmarutagîra matega ma kîndû gîa kûnyuwa na matega ma irio. Mwîciragia nîngenagua nî maûndû mau?


“Nwatî mue arîa mwandiganîrie nie Ngai-Mûnene, arîa mwariganîrwe nî Zayuni, kîrîma kîrîa gîakwa Kîammûre, mue arîa mûgoocaga ngai irîa ciîtagwa Gadi na Meni, ngai cia mûnyaka na mûtino;


Andû aya mekaraga makîndakaragia vîndî cionthe. Marutagîra mîvuanano yao magongoona tûmîtitûrî tûrîa twamûre, na makavîvagîria ûbani îgûrû rîa metha cia magongoona irîa itumîtwe na matuvarî.


Nanie nîngaverithia matûûra monthe nîûndû wa waganu wao wa kûregana nanie. Nîmarutîrîte ngai cia mûvuanano magongoona na makagooca indo irîa marûthîte na njara ciao.


Ngai-Mûnene mwene vinya wonthe, ûrîa wamûvandire arauga nîakûmûthiria na mûthiro nîûndû wa waganu ûrîa wîkîtwe nî andû a Isiraeli na a Juda. Nîmandakarîtie nîûndû wa kûrutîra Baali magongoona.


Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,


Nyomba cia Jerusalemu na nyomba cia athamaki a Juda, na nyomba cionthe irîa îgûrû rîa cio kwavîvagîrua ûbani kûrî njata irîa îtûûraga îgûrû na gûkarutîrwa matega ma ndivei kûrî ngai ciîngî, nîgûkaagwatwa nî mûgiro wata Tofethi.”


Kûnarî ûguo, Ngai-Mûnene arauga atî mue nîmwaregire kûmûthikîrîria. Nîmwamûrakaririe nîûndû wa mîvuanano îrîa mwerûthîîre na mûkîîretera thîna mue ene.”


Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.


Ngai-Mûnene mwene vinya wonthe, Ngai wa Isiraeli arauga atî: Mue vamwe na aka enyu nîmwarîtie na mûkavingia mûkiugaga atî, ‘Nwanginya tûvingie maûndû marîa twevîtire tûkiuga nîtûgwîka, kûvîvia ûbani na kûrutîra mûthamaki mûndûmûka wa îgûrû magongoona ma ndivei.’ Thiîni na mbere kûvingia mîvîtwa yenyu.


Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’


Nîkwa ûtarona ûrîa mareka matûûrarî ma Juda na ma Jerusalemu?


Anake maringagîrîrua makathîe mûtu ta ngombo, natuo tûvîcî tûtûgûganaga tûkuithîtue mîrigo ya ngû.


Nîwavûrire ûmaraa na andû a Misiri arîa mûriganîtie nao na makwîriragîria, ûmaraa waku nîwongererekire na ûgîtûma ndakare.


Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.


Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.


Ngai-Mûnene nîwambîrire atîrî, “Mûndû, nîwona maûndû mau? Maûndû mau marî mûgiro andû a Juda mareka marona arî ûndû mûnini, nîûndû nîmatûmîte vûrûri wonthe ûgîe mbaara na magatûma nthiî na mbere kûrakara? Taroria, nîmarandakaria makîria!


Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?


Nîmaatûmire Ngai-Mûnene egue wîru nîûndû wa kûgooca ngai cia mîvuanano, na magîtûma arakare nîûndû wa ciîko ciao njûku.


Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.


Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ