Jeremia 6:6 - ÎVUKU RÎA ÛVORO MWARO

⁶ Ngai-Mûnene mwene vinya wonthe arauga atîrî, “Kûrani mîtî yarîo, ûmbani mûthetu ivumbu ithiûrûrûkîrîtie Jerusalemu. Nwanginya îtûûra rîîrî rîverithue, nîûndû rîcûrîtwe nî kûvinyanîrîria.

Jeremia 6:6 ပူးပေါင်းရင်းမြစ်များ

Isaia 37:33

“Kwoguo ûvoro wîgiî mûthamaki wa Asîria Ngai-Mûnene arauga atî: ‘Ke ndagaaûka îtûûrarî rîîrî, kana aikia mûguî kuo, kana atonya kuo na ngo, kana arîcîgîrîria arîtharîkîre.

Jeremia 20:8

Nîûndû rîrîa ngwaria ûndû nîkwa ndetaga, na ngaugîrîria atî: “Mbaara na gûcûkangia!” Nîûndû kiugo Kîam Ngai-Mûnene kûrî nie gîtuîkîte gîa kûmenereria na kûnyararithia mûthenya wonthe.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Jeremia 32:24

“Taroria, Akalidei nîmenjîte mûtaro ûrigicîrîtie îtûûra rîonthe nîguo marîtharîkîre na marîîgwatîre. Nayo mbaara, yûra na mîrimû nîigûtûma îtûûra rîîrî rînyitwe nî Akalidei arîa mararîtharîkîra. Nama maûndû marîa waririe nîmaravinga rîu ûkîonaga.

Jeremia 32:31

Îtûûra rîîrî nîrîrurumûkîtie marakara na mang'ûrîka makwa kuuma rîrîa rîatumirwe nginya ûmûnthî. Kwoguo nîngûrîcûkangia,

Jeremia 33:4

Nîûndû Ngai-Mûnene Ngai wa Isiraeli arauga atî, nyomba cia îtûûra rîa Jerusalemu, na nyomba cia athamaki a Juda nîikomomorwa nîûndû îtûûra rîu nîrîrigicîrie na rîkatharîkîrwa.

Jeremia 39:1

Mwerirî wa îkûmi mwaka wa kenda Zedekia arî mûthamaki wa Juda, Nebukadinezarû mûthamaki wa Babuloni na athigari ake onthe a mbaara nîmaarigicîrie îtûûra rîa Jerusalemu na makîrîtharîkîra.

Jeremia 5:29

Ngai-Mûnene arauga atîrî, “Nwa ndege kûverithia andû nîûndû wa maûndû mama? Nwa ndege kwîrîvîrîria kûrî vûrûri ta ûyû?

Jeremia 5:9

Nîngîrega atîa kûmaverithia nîûndû wa maûndû mau, nwa ndege kwîrîvîrîria kûrî vûrûri ta ûyû?

Ezek 4:2

Rîrigicîrie, ûtume rûthingo rwa kûrîrigicîria, na ûmbe kîvumbu Kîam mûthetu rûthingorî, ûtume kûndû gwa gwîkarwa nî athigari, na wige mîtî mînene ya kwomomora rûthingo mîena yonthe ya îtûûra.

Ezek 5:5

Ngai-Mûnene augîte atîrî, “Rîîrî nî îtûûra rîa Jerusalemu. Nîrigîte gatagatî ka ndûrîrî na ngatûma rîrigicîrue nî mavûrûri.

Danieli 11:15

Mûthamaki wa Sîria nîakaarigicîria îtûûra rîu ririgîre waro na nthingo cia vinya na arînyite. Athigari a Misiri matikaathiî na mbere kûrûa. Wana athigari arîa aro mûno matikethîrwa marî na vinya mwîganu.

Zefania 3:1

Jerusalemu kaî ûrî na thîna-î, îtûûra rîrî na gîko, mûgiro na rîvinyagîrîria andû akuo.

Luka 19:43

Kavinda nîgagûkinya karîa nthû cienyu ikaamûrigicîria na mbumbu ya mûthetu na ciînje mîtaro imûvingîrîrie mîena yonthe.