Jeremia 6:4 - ÎVUKU RÎA ÛVORO MWARO

⁴ Îîvarîrieni tûrûe narîo, ûkani tûrîtharîkîre mûthenya varigici! “Kaî tûrî na thîna-î! mûthenya ûthiîte kûthira, kîruru gîa kîvwaî nî kîraneneva.

Jeremia 6:4 ပူးပေါင်းရင်းမြစ်များ

Ayubu 7:2

Ekariî ta ngombo îgîcaria mwîgunyî, kana ta mûruti wîra etererete mûcara.

Rwîmbo rwa Nyîmbo 2:17

mbere ya gûkîe na nduma îthire. Coka mwendwa wakwa ta nthwariga, kana ta nthiia îtarî ngûrû îrî irîmarî cia Betheri.

Jeremia 15:8

Nîndûmîte aka ao a ndigwa mongerereke, na mengîve gûkîra mûthanga ûrîa ûrî îriarî. Aciari a andû ethî nînîmareterete, ûndû wa kûmacûkangia mûthenya. Nîndûmîte manyitwe nî ûrûrû na kîmako wa rîmwe.

Jeremia 15:9

Mûndûmûka ûrîa warî na îgweta rîa kwîthîrwa na twana mûgwanja, rîu nîtûrathirire tuonthe wa rîmwe, nî araikirie nthari, riûa rîake rîrathûire kûrî mûthenya. Nîatuîkîte wa gûconorithua na kûnyararwa, nao arîa maatigarire matarî akuû, nîngamatiganîria maûragwe nî nthû ciao. Ûguo nîguo nie Ngai-Mûnene nîrauga.”

Jeremia 5:10

Unûkiani mûvîtûkîrîrîte mîtîrî yake ya mîthavibu na mûmîcûkangie, nwatî mûtikamîcûkangie viû. Thîgani mvûa ciayo, nîûndû tî cia Ngai-Mûnene.

Jeremia 6:23

Manyitîte moota na matumû, nî aganu mûno na matirî ntha, mûgambo wao nîta mûrurumo wa îria. Mathiîcaga mekarîrîte mbarathi, mevangîte na mevarîrîtie kûrûa nawe, we îtûûra rîa Zayuni.”

Jeremia 8:20

Maketha nîmathiru na îvinda rîa riûa rîkathira, na tûtirî avonokie.”

Joeli 3:9

“Anîrîra ûndû ûyû kûrî mavûrûri monthe: îîvarîrieni nîûndû wa mbaara; îtani athigari enyu. Ûnganiani athigari enyu na mathiî na mbere.

Obadia 1:1

Gîkî nî kîoneki kîrîa Obadia aaguûrîrue nî Ngai-Mûnene kîgiî vûrûri wa Edomu. Nîtûgwatîte ndûmîrîri kuuma kûrî Ngai-Mûnene; mûnjaama nîmûtûme mavûrûrirî akauge atîrî, “Ûkîrani tûthiî tûkarûe na andû a Edomu!”

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Zefania 2:4

Gûtirî mûndû ûgaatigwa îtûûrarî rîa Gaza. Ashikeloni nîrîgaatigwa rîrî rîtheri, Andû a Ashidodi nîmakaarutwa kuo mûthenya, na andû a Ekironi nîmakengatwa îtûûrarî rîao.