Jeremia 6:29 - ÎVUKU RÎA ÛVORO MWARO

²⁹ Mwaki ûrakana na vinya, cuuma îravîa îkathira; gûtirî na vata wa kûtheria andû akwa, nîûndû andû aganu matingîthirwa nî waganu wao.

Jeremia 6:29 ပူးပေါင်းရင်းမြစ်များ

Nthi 17:3

Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.

Isaia 49:4

Nwatî nînaugire atîrî, “Ndutîte wîra wa mana! Ndûmîrîte vinya yakwa na gûtirî ûndû ng'unîkîte naguo.” Kûnarî ûguo Ngai-Mûnene nîke ûkaanduîra ciira wakwa na kîvooto; na nîke ûkaandîva wîra wakwa.

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Jeremia 9:7

Kwoguo Ngai-Mûnene mwene vinya wonthe arauga atîrî, “Taroria andû akwa nî evia, nîngûmatheria na nîmagerie, nîûndû gûtirî ûndû wîngî nîngîmeka.

Ezek 24:12

Nwatî nîrenogia mana nîûndû nganga icio itingîthirua nî mwaki.

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Hosea 11:7

Andû akwa nîmatuîte mandiganîrie, mambîtaga Ûrîa Ûrî Îgûrû Mûno nwatî matindîîaga nama.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

1Pet 4:12

Arata akwa ende, tigani kûmaka nîûndû wa ûrûrû wa mathîna marîa mûracemania namo mûkîgerua. Tigani gwîciria atî maûndû mau marekîka kûrî mue nî mageni.

Atir 17:4

Rîrîa Mika aacokerie ng'ina sîlûva icio, ng'ina nîwocire tûcunjî magana maîrî kuuma kûrî cio na akîvirîra mûturi wa indo cia cuuma. Mûturi ûcio nîwathondekire mûvuanano na akîûvaka sîlûva kuonthe. Mûvuanano ûcio nîwacokire ûkigwa kwa Mika mûciî.