Jeremia 6:1 - ÎVUKU RÎA ÛVORO MWARO

¹ Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Jeremia 6:1 ပူးပေါင်းရင်းမြစ်များ

2Sam 14:2

Kwoguo Joabu nîwatûmanîre mûndûmûka ûmwe warî mûûgî watûûraga îtûûrarî rîa Tekoa. Rîrîa mûndûmûka ûcio aathiîre kûrî Joabu, Joabu nîwamwîrire atîrî, “Îîtue atî nîkwa ûracakaya, wîkîre nguo ciaku cia macakaya, na ndûgacanûre njuîrî ciaku na wîtue ta mûndûmûka wîthîrîtwe agîcakaya kavinda karaca.

2Maû 11:6

Aatumire matûûra ma: Bethilehemu, Etamu, Tekoa,

Nehemia 3:14

Malikija mûvîcî wa Rekabu, ûrîa wathaga vûrûri wa Bethi-hakeremu nîwatumire rîngî kîvingo kîrîa gîtecagwa gîko. Nîwekîrire mîrango ya kîvingo na agîkîra irenji na mîkîgo ya kûvinga mûrango ûcio.

Nehemia 3:5

Na arûme a Tekoa nîmaatumire rîngî gîcunjî kîrîa Kîamriganîtie na kîrîa gîatumirwe nî Zadoku. Nwatî atongoria ao matiaruta wîra ûrîa maavetwe nî mwathi wao.

Jeremia 10:22

Tathikîrîriani! Kûrî na ndûmîrîri yatûkinyîra! Kûrî na înegene înene kuuma mwena wa rûgûrû, vûrûri wa mwena wa rûgûrû nî ûkîte; gûtûma matûûra ma Juda matuîke werû, kûrîa nyamû cia kîthaka ikamamaga.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 4:29

Rîrîa mûkegua mûgambo wa athigari, marî na mbarathi na engî marî na moota, andû onthe nîmakaavinyûra maûre. Amwe magaatonya mûtitûrî engî matwe mathigarî; matûûra monthe nîmagaatiganîrua na gûtirî mûndû ûgatigwa kuo.

Jeremia 6:22

Ngai-Mûnene arauga atîrî, “Taroria, andû nîmaûkîte kuuma mwena wa rûgûrû, vûrûri mûnene ûrîa ûrî kûraca mûno gûkû nthî nî ûrevarîria mbaara.

Amosi 1:1

Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Zakaria 6:6

Gîkaari kîu kîgucîtue nî mbarathi icio cia rangi mwirû nîkîthiî vûrûrirî wa mwena wa rûgûrû, nakîo kîu kîgucîtue nî mbarathi cia rangi mûcerû nîkîthiî na mwena wa îthûîro. Nakîo gîkaari kîu kîgucîtue nî mbarathi cia rangi wa kîmûu nîkîthiî na mwena wa îveti.”

Josh 15:63

Nwatî andû a Juda matiavota kwîngata andû a Jebusi kuuma Jerusalemu kûrîa maatûûraga. Kwoguo andû a Jebusi matûûraga vamwe na andû a Juda kûu Jerusalemu nginya ûmûnthî.

Atir 1:21

Nwatî andû a mûvîrîga wa Benjamini matiengata Ajebusi arîa maatûûraga Jerusalemu, na kuuma vîndî îo Ajebusi matûûranagia na andû a Benjamini kûu Jerusalemu nginya ûmûnthî.