Jeremia 52:6 - ÎVUKU RÎA ÛVORO MWARO

⁶ Na mûthenya wa kenda wa mweri wa kana, yûra nîrîacacire mûno îtûûrarî rîu, atî gûtiarî kîndû andû akuo mangîarîre.

Jeremia 52:6 ပူးပေါင်းရင်းမြစ်များ

2Atha 25:3

Mûthenyarî wa kenda, mwerirî wa kana mwakarî wa ûcio, yûra nîrîanenevire mûno îtûûrarî rîu nginya gûgîtura kîndû andû mangîrîa vûrûrirî.

Isaia 3:1

Rîu Mwathani Ngai-Mûnene mwene vinya wonthe, nîakûthengutîria Jerusalemu na Juda mwîvoko wao, mwîvoko wao wa irio na wa manjî.

Jeremia 15:2

Na mangîkûûria, ‘Nîtûthiî kû?’ Ûkaamera, ‘Nie Ngai-Mûnene mbugîte atî: Arîa matuîrîrîtwe kûûragwa nî mîrimû makaaûragwa nî mîrimû, arîa matuîrîrîtwe kûûragîrwa mbaararî makaaûragîrwa mbaararî, arîa matuîrîrîtwe makaûragwa nî yûra makaaûragwa nî yûra, arîa matuîrîrîtwe gûtavwa mavirwe îthamîriorî nîmagaatavwa mavirwe kuo.’ ”

Jeremia 19:9

Nthû nîikaarigicîria îtûûra rîu na kûgeria kûûraga arîa matûûraga kuo. Nîmagaatûma kûgîe na thîna nene mûno kûu îtûûrarî rîu, na andû mambîrîrie kûrîcana o ene; andû nîmakaarîcaga ciana ciao cia anake na cia erîtu.’

Jeremia 21:9

Mûndû wa wonthe ûgatigwa îtûûrarî rîîrî nîakaaûragîrwa mbaararî nî yûra na mûrimû. Nwatî ûrîa ûkaumîra na enenganîre kûrî Akalidei arîa mamûrigicîrîtie, nîakaavonokia mwoyo wake.

Jeremia 25:10

Nîngakiria arîa onthe makethîrwa makîanîrîra marî na gîkeno na macanjamûkîte wana arîa makethîrwa makinîra mûviki na mûvikania. Mîgambo ya ithîi ndîkeguîka na taa nîikavorua.

Jeremia 37:21

Kwoguo mûthamaki Zedekia nîwathanire Jeremia aigwe kûrîa arangîri mekaraga. Nake nîwavecagwa mûgate wa mûthenya kuuma kûrî andû arîa marugaga mîgate nginya mîgate îkîthira yonthe kûu îtûûrarî. Kwoguo Jeremia eekaraga kwa arangîri.

Jeremia 38:9

“Mwathi wakwa mûthamaki andû aya nîmekîte ûndû mûcûku mûno. Nîmaikîtie mûrathi Jeremia kîrikorî Kîam manjî; na nîagûkuîra kuo nî yûra, nîûndû mîgate nî mîthiru îtûûrarî.”

Jeremia 39:2

Mûthenya wa mûgwanja wa mweri, mwaka wa îkûmi na ûmwe wa ûthamaki wa Zedekia rûthingo rwa îtûûra nîrwatûrirwe mwanya.

Maca 1:11

Andû onthe a Jerusalemu nîmaracaa magîcaria gîa kûrîa, makûûrananagia ûtonga wao na irio cia kûrîa, nîguo matûûre mwoyo. “We Ngai-Mûnene, ta roria wone ûrîa nyararîtwe.”

Maca 5:10

Ngothi yetû îrakana ta mwaki, nîûndû wa yûra rîrîa tûrî narîo.

Ezek 14:13

“Mûndû, vûrûri wa wonthe ûngîvia nîûndû wa kûrega gûtuîka evokeku kûrî nie, nîngaaûverithia. Nîngaacûkangia makûmbî mao ma irio na ndûme kûgîe na yûra. Nîngaatûma andû a vûrûri ûcio makue, wana nyamû ciakuo.

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 31:1

Mûthenya wa mbere mweri wa kathatû, mwakarî wa îkûmi na ûmwe kuuma twavirwa îthamîriorî, Ngai-Mûnene nîwambîrire atîrî,

Ezek 5:16

Vîndî îo nîngarekereria mîguî yakwa ya kûragana ya yûra îmûrathe îmûthirie. Nîngatûma yûra rîongerereke na irio cienyu ithire.

Ezek 7:15

“Nakûu nja kûrî mbaara, nakuo matûûrarî kûrî na mûthiro na yûra. Arîa marî na kûu mîgûndarî magaakua marî mbaararî; na arîa marî îtûûrarî makaathirua nî yûra na mîrimû.

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Zakaria 8:19

“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”

Gûco 32:24

Nîmagaakua nîûndû wa yûra, na maûragwe nî mîrimû mîcûku. Nîngaatûma matharîkîrwe nî nyamû cia kîthaka, na ndûme njoka irîa irî ûrogi imarûme.