Jeremia 52:4 - ÎVUKU RÎA ÛVORO MWARO

⁴ Kwoguo, mûthenya wa îkûmi wa mweri wa îkûmi mwaka wa kenda wa ûthamaki wa Zedekia, mûthamaki Nebukadinezarû nîwathiîre na athigari ake onthe a mbaara akîtharîkîra îtûûra rîa Jerusalemu, na makîrîthiûrûkîria na mîena yonthe.

Jeremia 52:4 ပူးပေါင်းရင်းမြစ်များ

Isaia 29:3

Nie nîngaamûcîgîrîria, nîmûcîgîrîrie na nyomba ndaca na nîmûtharîkîre.

Jeremia 21:2

“Ûria ûvoro wetû kûrî Ngai-Mûnene, nîûndû mûthamaki Nebukadinezarû wa Babuloni nîevarîrîtie gûtûtharîkîra, nwa kwîthîrwa Ngai-Mûnene nîagûtûringîra Kîamma nîguo Nebukadinezarû atigane natue.”

Jeremia 32:24

“Taroria, Akalidei nîmenjîte mûtaro ûrigicîrîtie îtûûra rîonthe nîguo marîtharîkîre na marîîgwatîre. Nayo mbaara, yûra na mîrimû nîigûtûma îtûûra rîîrî rînyitwe nî Akalidei arîa mararîtharîkîra. Nama maûndû marîa waririe nîmaravinga rîu ûkîonaga.

Jeremia 34:1

Mûthamaki Nebukadinezarû wa Babuloni nîwaûkire na athigari ake a mbaara kuuma mavûrûri monthe marîa aathanaga na akîtharîkîra îtûûra rîa Jerusalemu vamwe na matûûra marîa mengî ma Juda. Vîndî îo ndûmîrîri kuuma kûrî Ngai-Mûnene nîyakinyîre Jeremia akîrwa atîrî,

Jeremia 39:1

Mwerirî wa îkûmi mwaka wa kenda Zedekia arî mûthamaki wa Juda, Nebukadinezarû mûthamaki wa Babuloni na athigari ake onthe a mbaara nîmaarigicîrie îtûûra rîa Jerusalemu na makîrîtharîkîra.

Jeremia 4:17

Mathiûrûrûkîrîtie Jerusalemu ta arangîri a mûgûnda, nîûndû andû a kuo nîmareganîte nanie. Ûguo nîguo Ngai-Mûnene arauga.

Jeremia 52:7

Kwoguo rûthingo rwa îtûûra nîrwatûrîkirue, nao athigari a mbaara makiuma îtûûrarî rîu ûtukû, makîûra. Nao mavîtûkîrîre mûgûndarî kwa mûthamaki na makîthiî makiumîrîra kîvingorî kîrîa Kîamrî gatagatî ka nthingo irîa igîrî. Maathiîre maroretie mwena wa werû wa Araba.

Ezek 21:22

Njararî yake ya ûrîo, gûgaaûka woni wa Jerusalemu. Woni ûcio ûkaamwonia aigithia mîgogo mînene, augîrîrie na mûgambo wa mbaara, aigithie mîgogo mîtungu ya kwomomora ivingo cia Jerusalemu. Nîagetûrûrithia ivumbu nene cia mûthetu ithiûrûrûkîrîtie îtûûra na atume nthingo ndaca na îgûrû cia kûrîrigicîria.

Ezek 21:27

Nîngûcûkangia îtûûra rîu viû na rîtigacoka kwonwa rîngî. Nwatî ndigwîka ûguo nginya agaûka ûrîa mwagîrîru nîrînenganîre kûrî ke.

Ezek 26:8

Nîagaacûkangia matûûra marîa mariganîtie na Turo vûrûrirî na acoke akûrigicîrie nîguo akûtharîkîre. Nîakaaûmba ivumbu cia mûthetu kûu nthingorî icio na akûrigicîrie na ngo akûtharîkîre.

Ezek 33:21

Mûthenya wa gatano wa mweri wa îkûmi, mwaka wa îkûmi na îîrî kuuma twavirwa îthamîriorî, mûndû ûmwe nîwaûrire akiuma Jerusalemu agîûka akîmbîra atî, îtûûra rînene rîa Jerusalemu nîrîgwîu.

Ezek 40:1

Kwarî mûthenya wa îkûmi wa mweri wa mbere wa mwaka wa mîrongo îîrî na îtano kuuma twavirwa îthamîriorî, na mwaka ûcio nîguo warî wa îkûmi na îna kuuma îtûûra rîa Jerusalemu rîanyitwa. Mûthenya ûcio nînecûrirwe nî vinya wa Ngai-Mûnene.

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Zakaria 8:19

“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”

Luka 19:43

Kavinda nîgagûkinya karîa nthû cienyu ikaamûrigicîria na mbumbu ya mûthetu na ciînje mîtaro imûvingîrîrie mîena yonthe.

Luka 21:20

“Vîndî îrîa mûkoona îtûûra rîa Jerusalemu rîthiûrûrûkîrîtue nî athigari, nîmûkaamenya atî îvinda rîarîo rîa kwomomorwa rîrî vakuvî.