Jeremia 51:9 - ÎVUKU RÎA ÛVORO MWARO

⁹ Nîtwageririe kûvonia vûrûri wa Babuloni nwatî ndwavona. Tûûtiganîrie tûthiî wa mûndû vûrûrirî wake; nîûndû Ngai nîaverithîtie vûrûri wa Babuloni na vinya wake mûnene; na agaûcûkangia viû.

Jeremia 51:9 ပူးပေါင်းရင်းမြစ်များ

2Maû 28:9

Kwarî mûrathi wa Ngai-Mûnene wetagwa Odedi na watûûraga kûu Samaria. Nîwaumagarire akîthiî gûtûnga athigari a mbaara a Isiraeli vamwe na athigari arîa maatavîte a Juda rîrîa maarî vakuvî gûtonya Samaria. Nîwamerire atîrî, “Ngai-Mûnene, Ngai wa methe menyu nîwarekererie andû a Juda kûrî mue nîûndû nîwarakarîtue nîo. Nwatî Ngai nîwonete ûrîa mûragîte andû acio mûtakûmacaîra.

Ezira 9:6

Na ngîvoya ngiugaga atîrî, “Ngai wakwa, nîregua ngîconoka mûno ngîûkîrîria ûthiû wakwa mbere yaku. Mevia metû maûmbanîrîrîte na îgûrû makavîtûka ciongo cietû, nîmathiîte magakinya îgûrû.

Isaia 13:14

“Wa mûndû akaavinyûraga ta nthwariga îkîvîtwa, ta ng'ondu itarî na mûrîthi, wa mûndû nîagaacoka kûrî andû ake, na wa mûndû nîakaaûra athiî vûrûrirî wake.

Isaia 47:15

Ûguo nîguo andû arîa mûrutithanagia wîra nao magaatuîka kûrî we, andû acio mûtwîre mûceraga nao kuuma rîrîa warî mûnini. Nîmakaathiî wa mûndû njîra yake, na vatigaatigwa mûndû wanarî ûmwe wa gûkûvonokia.”

Jeremia 46:16

Andû engî nîmaavîngirwe na makîgwa, nao nîmeeranire o ene atî: ‘Ûkîrani tûcoke kûrî andû etû, vûrûrirî wetû kûrîa twaciarîrwe, tûrîre mbaara ya nthû cietû.’

Jeremia 46:21

Wana athigari ake a gûkomborwa, nîta njaû noru; wanao nîagarûrûku makavinyûra vamwe, matiavota kûmîrîria, nîûndû mûthenya wao wa gûcûkangua nî mûkinyu, îvinda rîao rîa kûverithua nîrîkinyu.

Jeremia 50:16

Mûtikareke andû mavande mbegû vûrûri ûcio wa Babuloni, wana kana makethe vîndî ya maketha. Mûgeni wa wonthe ûrî îtûûrarî rîu nîmûgwate nî guoya; na mûndû nîagaacoka vûrûrirî wake.”

Jeremia 8:20

Maketha nîmathiru na îvinda rîa riûa rîkathira, na tûtirî avonokie.”

Hosea 7:13

O nîanyite nî kîrumi nîûndû nîmandiganîrîtie! Nîmagûcûkangua nîûndû nîmareganîte nanie! nîmendaga kûmakûûra, nwatî o maaragia maveeni îgûrû rîakwa.

Kûguû 18:4

Ngîcoka ngîgua mûgambo wîngî kuuma îgûrû ûkiuga atîrî: “Umani kûrî ke, andû akwa! Nîguo mûtikevie take, na mûtikaaverithue take.

Kûguû 18:5

Nîûndû mevia make maiganîrîrîtwe vamwe magakinya îgûrû, nake Ngai nîaririkanîte waganu wake.