Jeremia 51:6 - ÎVUKU RÎA ÛVORO MWARO

⁶ Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

Jeremia 51:6 ပူးပေါင်းရင်းမြစ်များ

Thaburi 94:1

We Ngai-Mûnene, wî Ngai wîrîvagîrîria; We Ngai ûrîa wîrîvagîrîria, wîyonanie!

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Isaia 63:4

Nînatuire na ngoro yakwa atî mûthenya wa kwîrîvîrîria nî mûkinyu, na vîndî ya gûkûûra andû akwa nî nginyu.

Jeremia 25:14

Andû a Babuloni nîmagaatuîka ngombo cia mavûrûri mengî na athamaki engî. Nîngamaverithia kûringana na maûndû macûku marîa meekire.”

Jeremia 25:16

Nîmakaanyua, marîwe na matûgûgane nîûndû wa andû arîa ngaûraga gatagatîrî kao.”

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Jeremia 48:6

Vinyûra! Ûvonokie mwoyo waku! Vinyûrani ta nyûmbû ya werûrî!

Jeremia 50:15

Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Jeremia 50:28

Andû marethara makauma vûrûri wa Babuloni na makaûra makathiî Jerusalemu kûmenyithania ûrîa Ngai-Mûnene Ngai wetû erîvîrîrîtie nîûndû wa hekarû yake.

Jeremia 50:31

“Nie Ngai-Mûnene mwene vinya monthe nîrauga atîrî, “We Babuloni wîcûrîtwe nî mwîtîîo! Kwoguo nîngûregana nawe, kavinda gagûkûverithia nîgakinyu.

Jeremia 50:8

“Andû a Isiraeli, îthareni mume Babuloni! Umani vûrûrirî ûcio wa Akalidei, na mwîkare ta nthenge irî mbere ya mbûri.

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Jeremia 51:36

Kwoguo Ngai-Mûnene arauga atîrî, “Nîngûmwarîrîria na nîmûrîvîrîrie kûrî nthû cienyu; nî ngûmia varîa manjî ma Babuloni maumaga, na ndûme ithima ciake ivwe.

Jeremia 51:45

“Andû akwa umani vakuvî nake! Wa mûndû athare mwoyo wake kuuma kûrî marakara manene ma Ngai-Mûnene.

Jeremia 51:50

Ngai-Mûnene arera andû ake arîa marî Babuloni atîrî, “Mue arîa mûtigarîte mûtarî aûrage thiîni, mûtigekare ava! Ririkanani Ngai-Mûnene wana ethîrwa mûrî vûrûrirî wa kûraca, na mûririkane îtûûra rîa Jerusalemu.

Jeremia 51:56

Nthû nîciûkîte gûcûkangia Babuloni; athigari a kuo nîanyite; moota mao nîmaunange, nîûndû nie Ngai-Mûnene nî Ngai ûverithanagia, nwa nginya nîîrîvîrîrie.

Jeremia 51:9

Nîtwageririe kûvonia vûrûri wa Babuloni nwatî ndwavona. Tûûtiganîrie tûthiî wa mûndû vûrûrirî wake; nîûndû Ngai nîaverithîtie vûrûri wa Babuloni na vinya wake mûnene; na agaûcûkangia viû.

Maca 3:64

We Ngai-Mûnene maverithie, kûringana na ciîko ciao.

Ndari 16:26

Musa nîwerire andû atîrî, “Umani magemarî ma andû aya evia mûrûngame varaca nao, na mûtikavutie kîndû wanarî kîmwe Kîamo, kana mûthiranîrue vamwe nao nîûndû wa mevia mao.”

Gûco 32:25

Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.

Gûco 32:41

rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.

Kûguû 16:19

Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.