Jeremia 51:56 - ÎVUKU RÎA ÛVORO MWARO

⁵⁶ Nthû nîciûkîte gûcûkangia Babuloni; athigari a kuo nîanyite; moota mao nîmaunange, nîûndû nie Ngai-Mûnene nî Ngai ûverithanagia, nwa nginya nîîrîvîrîrie.

Jeremia 51:56 ပူးပေါင်းရင်းမြစ်များ

Kîam 49:24

Nwatî ûta wake ndwainainaga, njara ciake nîciîkagîrwa vinya, nî Ngai mwene vinya wonthe Ngai wa Jakovu, rîîtwarî rîa Mûrîthi Mûgitîri wa Isiraeli.

Thaburi 137:8

We mwarî wa Babuloni, nîûgaacûkangua! Gûkena nî mûndû ûrîa ûgaagwîka wata ûguo ûtwîkîte.

Thaburi 37:15

Mviû ciao nîcio ikaamaûraga o ene, na mota mao maunangwe.

Thaburi 46:9

Nîathiragia mbaara kûndû kuonthe gûkû nthî, nîaunangaga mota, na agacûkangia matumû, na nîavîvagia ngo na mwaki.

Thaburi 76:3

Arî kûu nîwaunangire mîguî ya nthû, ngo ciao na mviû, wana indo ciao cionthe cia mbaara.

Isaia 21:2

Nîmonetue kîoneki gîa kûmakania; kîoneki Kîam arîa maîaga makîîa, na arîa macûkangagia magîcûkangia. Mue andû a Elamu, unûkiani mûthiî mbaararî; mue andû a Media cîgîrîriani Babuloni! Ngai nîagûtûma mînyamaaro îrîa Babuloni aretete îthire.

Isaia 34:8

Nîûndû Ngai-Mûnene arî na mûthenya wa kwîrîvîrîria, mwaka ûrîa akarîvîrîria Zayuni kuuma kûrî nthû ciayo.

Isaia 35:4

Îrani arîa marî na guoya ngoro atîrî, “Îyûmîrîrieni, tigani gwîtigîra! Taroriani Ngai wenyu nîagaaûka kûmûrîvîrîria, nîagaaûka kûverithia nthû cienyu, ke mwene nîagaaûka kûmûvonokia.”

Isaia 59:18

Akaaverithia nthû ciake kûringana na ciîko ciao, akaaverithia nthû ciake na marakara, wana irîa irî mavûrûrirî ma kûraca.

Jeremia 49:35

Augire atîrî, “Taroria, nîngunanga mota ma andû a vûrûri wa Elamu arîa maicî kûratha na mîguî, acio matûmîte vûrûri ûcio ûgîe na vinya mûno.

Jeremia 50:10

Vûrûri wa Akalidei nîûgatavwa na arîa magaûtava nîmagooca wa kîrîa kîonthe makenda. Nie Ngai-Mûnene nînie nauga ûguo.”

Jeremia 50:36

Ûragani arathi a maveeni, maanagîrîra ûrimû mûtheri! Ûragani athigari ake a mbaara, nîguo mathirue onthe!

Jeremia 51:24

Ngai-Mûnene arauga atîrî, “Nîngaverithia Babuloni na andû a kuo mue ene mûkîonaga, nîûndû wa maûndû macûku marîa mekire îtûûrarî rîa Jerusalemu.

Jeremia 51:30

Athigari a Babuloni nîmatigîte kûrûa, mekarîte nyombarî ciao cia kwîgitîra; vinya wao nîmûthiru na marî na guoya ta aka. Nyomba ciao nî mvîvie na mwaki, na mîrango yao îkaunangwa.

Jeremia 51:48

Narîo îgûrû na nthî na indo cionthe irîa irî kuo, nîikaaina icanjamûkîte nîûndû wa Babuloni; nîûndû andû a gûûcûkangia nîmagaûka maumîte mwena wa rûgûrû. Ûguo nîguo nie Ngai-Mûnene nîrauga.

Jeremia 51:53

Wana ethîrwa Babuloni nîîkunûkia na îgûrû, na îtume nyomba cia kwîgitîra ndaca na îgûrû; nîngaatûma andû a kûrîcûkangia. Nie Ngai-Mûnene nînie nauga ûguo.”

Jeremia 51:6

Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

Maca 3:64

We Ngai-Mûnene maverithie, kûringana na ciîko ciao.

Ezek 39:3

Nîngaacoka munange ûta waku ûrî njararî yaku ya ûmotho, na ndûme mîguî îgwe nthî kuuma njararî yaku ya ûrîo.

Ezek 39:9

Andû arîa matûûraga matûûrarî ma Isiraeli nîmakaaumagara makaûnganie indo cia mbaara na maivîvie. Nîmagaakia mwaki na ngo, ûta na mîguî, matumû na njokoma îvinda rîa mîaka mûgwanja.

Amosi 2:15

Andû arîa makuuaga moota matigetirîria, nao arîa marî îvenya mûno matikevonokia, wana arîa mathiîcaga mekarîrîte mbarathi matikavonokia mîoyo yao.

Obadia 1:15

“Kavinda ka Ngai-Mûnene karî vakuvî ga gûtuîra mavûrûri monthe ciira. Ûrîa mwekire, nwaguo wanamue mûgekwa, mûkarîvwa kûringana na ciîko cienyu.

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

2Ath 1:6

Ngai nîageka ûrîa kwagîrîre. Nîagaatûma arîa mamûthînagia mone mathîna,

Kûguû 17:16

Mvîa irîa îkûmi wonire, na nyamû nîikaathûûra mûmaraa ûcio na nîigooca indo ciake cionthe irîa arî nacio na imûtige arî njaga. Nîikaarîa nyama cia mwîrî wake na imûvîvie na mwaki athire.

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

1Sam 2:4

Mota ma andû arîa marî na vinya nîmaunîkangu, nwatî andû arîa matarî na vinya nî magîcaga na vinya.