Jeremia 51:53 - ÎVUKU RÎA ÛVORO MWARO

⁵³ Wana ethîrwa Babuloni nîîkunûkia na îgûrû, na îtume nyomba cia kwîgitîra ndaca na îgûrû; nîngaatûma andû a kûrîcûkangia. Nie Ngai-Mûnene nînie nauga ûguo.”

Jeremia 51:53 ပူးပေါင်းရင်းမြစ်များ

Kîam 11:4

Nîmaacokire makîrana atîrî, “Tigani tûtume îtûûra rîrî na nyomba ndaca îrîa gacûmbîrî ka yo gakaavutia matu nîguo tûgîe îgweta, na tûtikanyagarûke nthî yonthe.”

Ayubu 20:6

Wana agetûgîria agakinya nginya matuurî, Kîongo gîake nakîo gîkavutia matu,

Isaia 13:17

Ngai-Mûnene arauga atîrî, “Nîngaaringîrîra Amede nîguo matharîkîre Babuloni. Mavûrûri mama matiûragia sîlûva, na matikenagua nî thaavu.

Isaia 41:25

“Nîndûmîte mûndû aume mwena wa rûgûrû nake nîmûku, nîmûthuurîte kuuma mwena wa îrathîro, nake nîagaakaîra rîîtwa rîakwa. Ke nîagaakinyanga athamaki ta yûmba, ta ûrîa mûmbi wa nyûngû akinyangaga yûmba.

Isaia 47:5

Ngai-Mûnene arauga atîrî, “We mwarî wa Akalidei îkara ûkirîte kivi na ûthiî ndumarî, nîûndû ndûgaacoka gwîtwa mûndûmûka mûthamaki wa mavûrûri!

Isaia 47:7

Weîrire atî nîûtûûra wî mûndûmûka mûthamaki tene na tene, na ndweciria maûndû mama ngororî yaku, kana wîciria ûrîa gûgekara mûthiiarî.

Jeremia 49:16

Guoya îrîa wîkîrîte andû na mwîtîîo waku nîikûveenetie, we wîkaraga ngurungarî cia mathiga na ûtûûraga kîrîmarî îgûrû! Nwatî wana gwatuîka ûtûûraga îgûrû ta nderi, nîngakûnyûrûrûkia kuuma kûu ûtûûraga. Ûguo nîguo nie Ngai-Mûnene nauga.”

Jeremia 50:21

Ngai-Mûnene arauga atîrî, “Unûkiani mûkatharîkîre andû a Merathaimu na Pekodi; maûrageni na mûcûkangie kîndû kîonthe marî nakîo. Îkani maûndû monthe marîa ngûmwatha.”

Jeremia 50:25

Nîmvingûrîte kûrîa mbigaga indo cia mbaara, na nîirutîte kuo nîrî na marakara, nîûndû nie Ngai-Mûnene Mwene vinya wonthe, nîrî na wîra wa kûruta vûrûrirî wa Akalidei.

Jeremia 50:45

Kwoguo tathikîrîriani mûvango ûrîa nie Ngai-Mûnene nîrî naguo îgûrû rîgiî Babuloni, na maûndû marîa mvangîte gwîka andû a kuo. Nama ciana ciao nîigaakururua ithiîwe nacio, na andû onthe nîmakaamaka.

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Jeremia 51:25

Babuloni nîngûrûa nawe we kîrîma kîrîa gîcûkangagia, we ûcûkangagia nthî yonthe. Nîngûtambûrûkia njara yakwa ngûnyite, nîngûgaragaria kuuma mathigarî îgûrû, na ngûtue kîrîma kîvîvie na mwaki.

Jeremia 51:48

Narîo îgûrû na nthî na indo cionthe irîa irî kuo, nîikaaina icanjamûkîte nîûndû wa Babuloni; nîûndû andû a gûûcûkangia nîmagaûka maumîte mwena wa rûgûrû. Ûguo nîguo nie Ngai-Mûnene nîrauga.

Jeremia 51:56

Nthû nîciûkîte gûcûkangia Babuloni; athigari a kuo nîanyite; moota mao nîmaunange, nîûndû nie Ngai-Mûnene nî Ngai ûverithanagia, nwa nginya nîîrîvîrîrie.

Jeremia 51:58

Nie Ngai-Mûnene mwene vinya wonthe nîrauga atîrî, “Rûthingo rwariî rwa Babuloni nîrûkomomorwa rûvaraganue viû, na mîrango yakuo mîraca nîîkavîvua na mwaki. Andû marutaga wîra wa mana, mavûrûri marenogia mana na mûthiiarî makavîvua na mwaki!”

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Amosi 9:2

Wana menja njîra îthiîte kwa arîa akuû, nîngaamaruta kuo na njara yakwa; wana mangîkaunûkia mathiî îgûrû, wana kuo nîngamanyûrûrûkia gûkû nthî.

Amosi 9:4

Mangîkaanyitwa nî nthû ciao mavirwe îthamîriorî, nîngaathana maûragîrwe kuo na rûviû. Nîngaarîthania nao nginyîrîrîtie nîmeeke maûndû macûku na tî maro.”

Habakuku 2:9

We wîtongetie na indo irîa wocete na vinya, kaî wî na thîna-î, na nîûgeretie kwiga mûciî waku ûrî na thayû na ûtarî na thîna wanarî vanini.