Jeremia 51:44 - ÎVUKU RÎA ÛVORO MWARO

⁴⁴ Nîngaverithia Beli ngai ya Babuloni, na ndûme îrute kîrîa îmeretie; mavûrûri matikaathiî kûrî ke rîngî. Rûthingo rwa Babuloni nîrwomomoku.

Jeremia 51:44 ပူးပေါင်းရင်းမြစ်များ

2Maû 36:7

Nebukadinezarû wana nîwakuuire indo imwe kuuma hekarûrî na akîivira Babuloni na agîciga gwake nyomba.

Ayubu 20:15

Mûndû mwaganu ameragia indo itarî ciake agaitavîka, nî Ngai ûirutaga îvurî rîake.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 21:9

Taroria maûkîte matwîte mbarathi, na marî aîrî kwa aîrî. Mûrangîri ûcio nîwacokire akiuga atîrî, “Babuloni nîngwîu! Mîvuanano yonthe ya ngai ciakuo nîmiunange na îkagwîthua nthî.”

Isaia 60:5

Nîûkoona ûguo, na wîcûrwe nî gîkeno, ngoro yaku nîgaacanjamûka nî gûkena, nîûndû ûtonga wa ndûrîrî nîûkaaretwe kûrî we, ûtonga wa îriarî nîûkaaretwe kûrî we.

Jeremia 50:15

Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Jeremia 50:2

“Anîrîrani mavûrûrirî, îkîrani imenyithia na mwanîrîre, mûtikathithe wanarî ûndû; ugani atî: ‘Îtûûra rîa Babuloni nîrînyite! Beli ngai yarîo nînjonorithie, Merodaki ngai yarîo nîmbagagu; Mîvuanano ya ngai cia Babuloni nîmîconorithie.’

Jeremia 51:18

Mîvuanano îo nî ya mana, na nî ûthani mûtheri; vîndî îrîa makaverithua nîgaacûkangua.

Jeremia 51:34

Nebukadinezarû mûthamaki wa Babuloni nîacûkangîtie Jerusalemu na agakwananga. Agûtigîte gwîkariî ta nyûngû îtarî na kîndû, akûmeretie ta njûnamatu. Eyocerete kîrîa kîonthe akwenda, agacoka agata indo icio ciîngî.

Jeremia 51:47

Kwoguo îvinda nîrîgûkinya, rîrîa ngananga mîvuanano ya Babuloni, vûrûri wa Babuloni wonthe ûconorithue, nao andû onthe a Babuloni maûragîrwe vûrûrirî wao.

Jeremia 51:53

Wana ethîrwa Babuloni nîîkunûkia na îgûrû, na îtume nyomba cia kwîgitîra ndaca na îgûrû; nîngaatûma andû a kûrîcûkangia. Nie Ngai-Mûnene nînie nauga ûguo.”

Jeremia 51:58

Nie Ngai-Mûnene mwene vinya wonthe nîrauga atîrî, “Rûthingo rwariî rwa Babuloni nîrûkomomorwa rûvaraganue viû, na mîrango yakuo mîraca nîîkavîvua na mwaki. Andû marutaga wîra wa mana, mavûrûri marenogia mana na mûthiiarî makavîvua na mwaki!”

Danieli 1:2

Nake Mwathani nîwarekererie Jehoiakimu anyitwe nî Nebukadinezarû. Nebukadinezarû nîwocire indo imwe irîa ciarî hekarûrî ya Ngai. Mûthamaki Nebukadinezarû nîwacokire Babuloni vamwe na mîgwate na nîwaigire indo icio hekarûrî ya ngai ciake.

Danieli 3:29

“Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”

Danieli 4:1

Mûthamaki Nebukadinezarû nîwatûmire ndûmîrîri îno kûrî andû a iruka cionthe, mavûrûri monthe na andû a nthiomi cionthe arîa matûûraga nthî yonthe akîmeera atîrî, “Mûrogîa na thayû!

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Danieli 5:19

Nîûndû wa ûnene ûcio Ngai aamûveere, andû a mîvîrîga yonthe, mavûrûri monthe na andû a nthiomi cionthe, nîmaainainire mûno na makîmwîtigîra. Nebukadinezarû aarî na ûvoti wa kûûraga mûndû wa wonthe kana kûrega kûûraga mûndû ûrîa angîendire. Aarî na ûvoti wa kûnenevia mûndû ûrîa wonthe eendaga kûnenevia kana kûnyivia mûndû ûrîa wonthe eendaga kûnyivia.

Danieli 5:26

Ciugo ino ciataûrirwe ta û: MENE; nî kuga atî Ngai nî mûtaru mîaka ya ûthamaki waku, na akaûthiria.

Danieli 5:31

na Dario wa kuuma vûrûri wa Mede nîwatwîkire mûthamaki arî na ûkûrû wa mîaka mîrongo îtandatû na îîrî (62).