Jeremia 51:41 - ÎVUKU RÎA ÛVORO MWARO

⁴¹ “Taroria îtûûra rîrîa rîatûûraga rîkumagua nî nthî yonthe nîrînyite! Rîtuîkîte kîmako gatagatî ka mavûrûri!

Jeremia 51:41 ပူးပေါင်းရင်းမြစ်များ

2Maû 7:21

“Hekarû îno rîu îrî na ngumo mbaro, nwatî vîndî îo mûndû wa wonthe ûkaavîtûkîrîra varî yo nî akaamaka na aûrie atî, ‘Ngai-Mûnene ekire vûrûri ûyû na hekarû îno ûguo nîkî?’

Isaia 13:19

Babuloni îrî riiri gûkîra mothamaki monthe; ûnene waguo nîûtûmaga Akalidei metîîa. Nwatî nie Ngai-Mûnene ngaacûkangia îtûûra rîu, wata ûrîa nacûkangirie Sodomu na Gomora.

Isaia 14:4

nîmakaaina rwîmbo rwa kûnyûrûria mûthamaki wa Babuloni makiugaga atîrî, “Kaî mûthamaki ûrîa ûratûvinyagîrîria nî mûcûkangie-î! Ûng'endu wake rîu nî mûthiru!

Jeremia 25:26

na athamaki onthe a mwena wa rûgûrû, a kûraca na a gûkuvî marûmanîrîrîte vamwe, na mothamaki monthe ma nthî nîmaanyuîrîre gîkomberî kîu. Mûthiiarî, mûthamaki wa Babuloni nîagaakînyuîra.

Jeremia 49:25

Îtûûra rîrîa rîrî ngumo nîrîtiganîrie; îtûûra rîecûrîtwe nî gîkeno!

Jeremia 50:23

Babuloni yekariî ta njokoma ya kûriva mavûrûri monthe ma nthî, nwatî rîu ndîrî na vinya nîûndû nîmunange! Mavûrûri monthe nîmamaku, nî ûrîa vûrûri ûcio wîkîtwe.

Jeremia 50:46

Rîrîa Babuloni îgatavwa, nthî yonthe nîîkathingitha na kîrîro gîake nîgîkeguwa nî mavûrûri marîa mengî.”

Jeremia 51:37

Vûrûri wa Babuloni nîûtuîka maganjo; ûgaatuîka kûndû gwa gûtûûrwa nî mbwe, nîgûtuîka kîmako na kûndû gwa kûnyararûa, kûndû gûtatûûragwa nî andû.

Ezek 27:35

“Andû onthe arîa matûûraga rûtere rwa îria, nîmamakîte nîûndû waku. Nao athamaki a kuo nîetigîru mûno na magakûnja mothiû mao nî gûtangîka.

Danieli 2:38

Nîagûtuîte Mwathi wa andû onthe arîa matûûraga gûkû nthî, nyamû cia kîthaka, na iconi cia rîerarî. We nîwe kîongo kîu Kîam thaavu.

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.