Jeremia 51:38 - ÎVUKU RÎA ÛVORO MWARO

³⁸ Andû a Babuloni makararamaga ta mînyambû; makagambaga ta twana twa mûnyambû.

Jeremia 51:38 ပူးပေါင်းရင်းမြစ်များ

2Sam 17:8

We nî wicî atî Daudi na andû ake nî andû marî na vinya na methagîrwa marî aganu ta ngatûnyi îcuunîtwe ciana ciayo. Nake aguo nîwicî maûndû ma mbaara mûno na ndangîtîkîra kûraarania na andû ake.

Thaburi 34:10

Wana mînyambû nîîvûtaga watura gîa kûrîa, nwatî andû arîa mavoyaga Ngai-Mûnene matituraga indo mbaro.

Thaburi 58:6

We Ngai, unanga magego mao; kûûra magego ma andû aya mekariî ta mînyambû, we Ngai-Mûnene.

Isaia 35:9

Gûtirî mînyambû îkethîrwa njîrarî îo, kana nyamû wa yonthe mbaganu îvîtûkîrîra varavararî îo. Nyamû icio itikooneka varavararî îo, nwatî andû arîa akûre nîo makaavîtûkîrîra kuo.

Isaia 5:29

Athigari ao mararamaga ta mînyambû, mararamaga ta mînyambû mîthî, înyitîte kîndû na îgakîvira kûndû kûraca, na gûtirî mûndû ûngîmîcuna.

Jeremia 2:15

Nthû ciake ciîthîrîtwe ikîmûraramîra ta mûnyambû, matuîte vûrûri wake werû, matûûra nî maganjo matitûragwa.

Zakaria 11:3

Tathikîrîriani kîrîro Kîam arîthi, nîûndû riiri wao nîmûthiru! Tathikîrîriani mûraramo wa mînyambû, nîûndû mîtitû îrîa îrî rûtere rwa rûnjî rwa Jorodani nîmîanangîku!

Atir 16:20

Nîwacokire akiugîrîria atîrî, “Samusoni! Afilisiti nîmaûkîte!” Samusoni nîwaramûkire na akîîra na ngoro atîrî, “Nînyuma nja na nîîrivarive wata ûrîa nekaga mîthenya îo îngî.” Ndaamenyaga atî Ngai-Mûnene nîwamûtigîte.