Jeremia 51:37 - ÎVUKU RÎA ÛVORO MWARO

³⁷ Vûrûri wa Babuloni nîûtuîka maganjo; ûgaatuîka kûndû gwa gûtûûrwa nî mbwe, nîgûtuîka kîmako na kûndû gwa kûnyararûa, kûndû gûtatûûragwa nî andû.

Jeremia 51:37 ပူးပေါင်းရင်းမြစ်များ

2Maû 29:8

Kwoguo Ngai-Mûnene nîwarakarirue mûno nî andû a Juda na a Jerusalemu na nîamekîte ûndû wa kûmakania, ûndû ûrî na guoya na wa kînyarari wata ûrîa mûreyonera na metho menyu mue ene.

Isaia 14:23

Nîngaatûma îtûûra rîu rîtuîke rîa gûtûûrwa nî Tûtiti, na rîtuîke maria ma manjî. Ngaathiria indo cionthe Babuloni gwîkare ta kûvatîtwe na kîvati. Nie Ngai-Mûnene mwene vinya wonthe, nînie nauga ûguo.”

Jeremia 18:16

Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.

Jeremia 19:8

Nîngatûma îtûûra rîîrî rîtuîke vandû va kûvavûra andû na kûmamakia nîûndû wa mîthiro îrîa rîkethîrwa nayo. Mûndû wa wonthe ûkavîtûkîrîra vakuvî narîo nîakaamaka.

Jeremia 25:12

Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 25:18

Nambîrîrie gûkundia Jerusalemu na matûûra ma Juda; ngîcoka gûkundia athamaki na anene a kuo, nîguo matuîke kûndû gûtarî kîndû, na werû na kûndû gwa kûnyararwa na kûndû kûrume, wata ûrîa gwîkariî ûmûnthî,

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 49:17

“Edomu îkeguithagia andû guoya, na mûndû ûrîa ûkavîtûkagîrîra vakuvî naguo akaauga ûûi, nîkûmaka ona ûrîa kwanangîtwe.

Jeremia 49:33

Îtûûra rîa Hazoru nîrîtûûra rîrî werû tene na tene, mbwe nîcio îgatûûraga kuo. Gûtirî mûndû ûgacoka gûtûûra kuo, kana ararîrîra kuo. Ûguo nîguo nie Ngai-Mûnene nauga.”

Jeremia 51:29

Nthî nîîratetema na îkainaina nîûndû wa ûrûrû, nîûndû ûrîa Ngai-Mûnene avangîte gwîka Babuloni nwa nginya eke, atûme vûrûri wa Babuloni ûtuîke werû, kûndû gûtatûûragwa nî andû.

Jeremia 9:11

Nîngatûma Jerusalemu îtuîke îganjo, gûtuîke kûndû kwa gwîkarwa nî ciathi, na ndûme matûûra ma Juda matuîke werû, kûndû gûtatûûragwa nî andû.”

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Nahumu 3:6

Nîngûgwikîria gîko, na ngwîke maûndû ma kînyûrûri, ngûtue kîndû gîcûku gîa kwîroragîrwa nî andû.

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.