Jeremia 51:22 - ÎVUKU RÎA ÛVORO MWARO

²² Nîwe ndûmagîra kûraga arûme na aka, andû arîa akûrû na arîa ethî, wana tûvîcî na twîrîtu.

Jeremia 51:22 ပူးပေါင်းရင်းမြစ်များ

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Isaia 13:15

Mûndû wa wonthe ûkoonwa nîakaamundwa na rûviû, na mûndû wa wonthe ûkaanyitwa nîakaaûragwa.

Isaia 13:16

Ciana ciao cia ngenge nîikaaûragwa wa makîyonagîra; indo cia nyomba ciao nîigaatavwa, na aka ao mamenywe kîîmwîrî na vinya.”

Isaia 13:18

Nîmakaaûraga andû ethî na mîguî yao, matikeguîra ciana ntha, kana macaîre ciana cia ngenge.

Isaia 20:4

Ûguo nîguo mûthamaki wa Asîria akaathiî na andû arîa akaanyita marî mîgwate kuuma vûrûrirî wa Misiri na Ethiopia. Andû ethî na akûrû makaathiî marî njaga na marî magûrû matheri, matarî na thuruvarî. Ûguo nîguo Misiri îgaaconorithua.

Jeremia 44:7

“Na rîu Ngai-Mûnene, Ngai mwene vinya wonthe, Ngai wa Isiraeli arakûûria atî: Nîndûî gîtûmîte mwîreterera maûndû macûku ûguo, na mwîcûkangia mue ene? Gûtirî mûndû wanarî ûmwe wenyu ûtigarîte Juda, mûndûmûrûme kana mûndûmûka, ngenge na ciana.

Jeremia 50:37

Ûragani mbarathi ciaguo na mûcûkangie ikaari cia mbarathi, ûragani athigari onthe a gûkomborwa, nîguo magîe guoya ta aka! Cûkangiani mîthithû yake, nîguo indo itavwe.

Jeremia 51:23

Nîwe ndûmagîra kûûraga arîthi na ndîthia ciao, arîa marîmaga na mîraû vamwe na ng'ome ciao, wana athani na anene.”

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Maca 2:11

Metho makwa mecûrîtwe nî methori, ngoro yakwa nî nthînîku mûno, mwoyo wakwa ûrî na kîeva kîngî mûno nîûndû wa andû akwa gûcûkangua, nîûndû ciana irîa nini iragirîkîra mîcemaniorî ya matûûra.

Maca 2:21

Andû arîa akûrû na arîa ethî onthe magwîte njîrarî, nao anake na erîtu maûragîtwe na mviû. Wamaûragire ûtarî na ntha nîûndû wa marakara maku.

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Gûco 32:25

Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”