Jeremia 50:16 - ÎVUKU RÎA ÛVORO MWARO

¹⁶ Mûtikareke andû mavande mbegû vûrûri ûcio wa Babuloni, wana kana makethe vîndî ya maketha. Mûgeni wa wonthe ûrî îtûûrarî rîu nîmûgwate nî guoya; na mûndû nîagaacoka vûrûrirî wake.”

Jeremia 50:16 ပူးပေါင်းရင်းမြစ်များ

Isaia 13:14

“Wa mûndû akaavinyûraga ta nthwariga îkîvîtwa, ta ng'ondu itarî na mûrîthi, wa mûndû nîagaacoka kûrî andû ake, na wa mûndû nîakaaûra athiî vûrûrirî wake.

Jeremia 25:38

Ngai-Mûnene nîatiganîrîtie andû ake, ta ûrîa mûnyambû ûtiganagîria ngurunga yaguo; vûrûri wao ûtuîkîte werû mûtheri, nîûndû wa mbaara ya arîa mavinyanagîrîria, na nîûndû wa marakara ma Ngai-Mûnene.

Jeremia 46:16

Andû engî nîmaavîngirwe na makîgwa, nao nîmeeranire o ene atî: ‘Ûkîrani tûcoke kûrî andû etû, vûrûrirî wetû kûrîa twaciarîrwe, tûrîre mbaara ya nthû cietû.’

Jeremia 51:23

Nîwe ndûmagîra kûûraga arîthi na ndîthia ciao, arîa marîmaga na mîraû vamwe na ng'ome ciao, wana athani na anene.”

Jeremia 51:9

Nîtwageririe kûvonia vûrûri wa Babuloni nwatî ndwavona. Tûûtiganîrie tûthiî wa mûndû vûrûrirî wake; nîûndû Ngai nîaverithîtie vûrûri wa Babuloni na vinya wake mûnene; na agaûcûkangia viû.

Joeli 1:11

Cakayani mue arîmi; rîrani mue mûmenyagîrîra mîthavibu. Ngano na cairi nî njûkangie, maketha monthe mîgûndarî nî macûkangie.

Amosi 5:16

Kwoguo Ngai-Mûnene, Mwene vinya wonthe arauga atîrî, “Nîgûkethîrwa na kîeva na kîrîro icagirî na matûûrarî monthe. Andû nîmagacakaya makiugaga, ‘Ûûi! Ûûi!’ Arîmi nîmagetwa wana arîa marîvagwa gûcakaya mathiî magacakaîre arîa akuû.