Jeremia 50:10 - ÎVUKU RÎA ÛVORO MWARO

¹⁰ Vûrûri wa Akalidei nîûgatavwa na arîa magaûtava nîmagooca wa kîrîa kîonthe makenda. Nie Ngai-Mûnene nînie nauga ûguo.”

Jeremia 50:10 ပူးပေါင်းရင်းမြစ်များ

Isaia 33:23

Mîkanda yonthe ya meri icio nî mîregerû; ndîngîvota kûrûngamia mîtî ya vendera, wana kana matûme itambaa itambûrûke nîguo ivotithie meri kûthiî. Nwatî indo nyîngî irîa itavîtwe nîikagaanua, wana nginya cionje nîigooca indo ciao.

Isaia 33:4

Nthû ciao ciûnganagia indo irîa itavîte ta ûrîa igunyû ciûngûrûragia indo; wata ûrîa ngige irûgaga, nwataguo andû makaarûgîra indo icio.

Isaia 45:3

Nîngaakûva indo cia vata irîa cigîtwe ndumarî; na ûtonga ûrîa ûrî kûndû gûtaicîkene, nîguo ûmenye atî nie nînie Ngai-Mûnene, Ngai wa Isiraeli ûrîa ûgwîtîte akîgwetaga rîîtwa rîaku.

Jeremia 25:12

Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 50:26

Ûkani mûûtharîkîre na mîena yonthe; vingûrani makûmbî maguo; mwiganîrîreni vamwe ta irûndo cia ngano na ûmûcûkangie viû; mûtigatigarie wanarî kûndû.

Jeremia 50:37

Ûragani mbarathi ciaguo na mûcûkangie ikaari cia mbarathi, ûragani athigari onthe a gûkomborwa, nîguo magîe guoya ta aka! Cûkangiani mîthithû yake, nîguo indo itavwe.

Jeremia 51:24

Ngai-Mûnene arauga atîrî, “Nîngaverithia Babuloni na andû a kuo mue ene mûkîonaga, nîûndû wa maûndû macûku marîa mekire îtûûrarî rîa Jerusalemu.

Jeremia 51:35

Andû a Jerusalemu nîmauge atîrî, “Babuloni îrocokererwa nî maûndû monthe macûku marîa twîkîtwe! Atûûri a Jerusalemu nîmauge atîrî, “Nthakame yakwa îrocokerera atûûri a Babuloni.”

Ezek 11:24

Na njîra ya kîoneki Roho wa Ngai nîwambocire akîmvira îthamîriorî vûrûri wa Akalidei, na kîoneki kîrîa naarî nakîo gîkîthira.

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Kûguû 17:16

Mvîa irîa îkûmi wonire, na nyamû nîikaathûûra mûmaraa ûcio na nîigooca indo ciake cionthe irîa arî nacio na imûtige arî njaga. Nîikaarîa nyama cia mwîrî wake na imûvîvie na mwaki athire.