Jeremia 5:9 - ÎVUKU RÎA ÛVORO MWARO

⁹ Nîngîrega atîa kûmaverithia nîûndû wa maûndû mau, nwa ndege kwîrîvîrîria kûrî vûrûri ta ûyû?

Jeremia 5:9 ပူးပေါင်းရင်းမြစ်များ

Nthi 6:29

Ûguo nîguo gwîkaraga kûrî mûndû ûrîa ûtharagia na mûka wene; mûndû wa wonthe wîkaga ûguo nîakaaverithua.

Isaia 1:24

Kwoguo Ngai-Mûnene Mwathani mwene vinya wonthe, kîvoti wa Isiraeli arauga atîrî, “Nîngetûrûra marakara makwa kûrî nthû ciakwa, na nîîrîvîrîrie kûrî andû arîa mareganaga nanie.

Isaia 57:6

Mwocaga mathiga marîa manyoroku kuuma Kîamndarî. Mûmocaga mûkîmarutagîra matega ma kîndû gîa kûnyuwa na matega ma irio. Mwîciragia nîngenagua nî maûndû mau?

Jeremia 23:2

Kwoguo, ûvoro wîgiî arîthi arîa mamenyagîrîra andû akwa, Ngai-Mûnene Ngai wa Isiraeli arauga atîrî, “Mue nîmûnyaganîtie andû akwa, mûkamengata na mûkarega kûmatungatîra. Rîu nîngûmûverithia nîûndû wa maûndû macûku marîa mwîkîte.

Jeremia 32:31

Îtûûra rîîrî nîrîrurumûkîtie marakara na mang'ûrîka makwa kuuma rîrîa rîatumirwe nginya ûmûnthî. Kwoguo nîngûrîcûkangia,

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 5:10

Unûkiani mûvîtûkîrîrîte mîtîrî yake ya mîthavibu na mûmîcûkangie, nwatî mûtikamîcûkangie viû. Thîgani mvûa ciayo, nîûndû tî cia Ngai-Mûnene.

Jeremia 5:29

Ngai-Mûnene arauga atîrî, “Nwa ndege kûverithia andû nîûndû wa maûndû mama? Nwa ndege kwîrîvîrîria kûrî vûrûri ta ûyû?

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Jeremia 6:6

Ngai-Mûnene mwene vinya wonthe arauga atîrî, “Kûrani mîtî yarîo, ûmbani mûthetu ivumbu ithiûrûrûkîrîtie Jerusalemu. Nwanginya îtûûra rîîrî rîverithue, nîûndû rîcûrîtwe nî kûvinyanîrîria.

Jeremia 9:8

Tûrîmî twao nîta mîguî îrî na ûvai, twaragia maveeni vîndî cionthe. Wa mûndû aragia waro na mûndû ûrîa mariganîtie nake, nwatî ngororî amûvangagîra ûndû mûcûku.

Jeremia 9:9

Nwa ndege kûmaverithia nîûndû wa maûndû mama? Nwa ndege kwîrîvîrîria kûrî rûrîrî ta rûrû?” Ûguo nîguo Ngai-Mûnene arauga.

Maca 3:42

“Nîtwîvîtie na twarega gûkwathîkîra, nawe Ngai-Mûnene nî ûregete gûtûrekera.

Maca 4:22

Îvera rîa mevia maku we Zayuni nîrîthiru, Ngai-Mûnene ndangîtîkîra Zayuni îkare îthamîriorî rîngî, nwatî we Edomu nîûkaaverithua nî Ngai-Mûnene, na nîakoonania mevia maku ûtherirî.

Ezek 7:9

Ndigaagûcaîra kana ngwîguîra ntha, nîngakûverithia kûringana na mîthiîre yaku mîcûku. Nîûkaamenya atî nînie Ngai-Mûnene mverithanagia.”

Hosea 2:13

Nîngamûverithia nîûndû wa gûkûngûîra mîthenya ya irugo cia Baali, mîthenya îrîa aavîvîrie ngai icio ûbani, na akîîgemia na mbete ciake na mathaga, na akîthiî kûrî arata ake, na akînariganîrwa nînie, ûguo nîguo Ngai mûnene arauga.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Alawi 18:25

Ciîko ciao nîciatûmire vûrûri wao ûnyitwe nî gîko, kwoguo nîmverithia vûrûri ûcio na ndûme vûrûri ûcio ûtavîke andû arîa matûûraga kuo.

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”