Jeremia 5:27 - ÎVUKU RÎA ÛVORO MWARO

²⁷ Ta ûrîa mûtegi ecûragia iconi irîa agwatithîtie gîkavurî, nwa ta guo nyomba ciao ciîcûrîte indo cia ungumania. Kîu nîkîo gîtûmaga methîrwe marî anene na itonga,

Jeremia 5:27 ပူးပေါင်းရင်းမြစ်များ

Ayubu 12:6

Mîciî ya aûragani îrî na thayû, na arîa marakaragia Ngai matûûraga marî agitîre, vinya wao umaga kûrî ngai ciao.

Isaia 3:14

Ngai-Mûnene nîaracirithia andû; aracirithia athuuri na atongoria a andû ake. Arameera atîrî, “Nîmue mûcûkangîtie mûgûnda wa mîthavibu, na indo irîa mwatavire athîni irî nyombarî cienyu.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 8:5

Nî ndûî kîgiragia andû aya magarûrûka, rîrîa mavîtia mararega kûgarûrûka nîkî? Marûmagîrîra ngai cia mivuanano, makarega kûnjokerera.

Jeremia 9:6

Mavinyagîrîria andû na makamaveenia, na makarega kûmenya. Ûguo nîguo nie Ngai-Mûnene nîrauga.

Hosea 12:9

Nînie Ngai-Mûnene Ngai wenyu, ûrîa wakûrutire Misiri ûkomborî! nîngatûma mûcoke gûtûûraga magemarî rîngî, wa ta ûrîa mwîkaga mwaka wa mwaka vîndî ya kîrugo gîa tûnyomba.

Mika 1:12

Andû a Marothu metererete kwona maûndû maro, nîûndû Ngai-Mûnene nîatûmîte kûgîa thîna, nginya kîvingorî Kîam Jerusalemu.

Zefania 1:9

Mûthenya ûcio ngamaverithia onthe, arîa onthe magoocaga ngai cia mîvuanano; na arîa onthe mecûragia nyomba ya mwathi wao, na indo irîa macunanîte na vinya na kwîa.”

Kûguû 18:2

Nake nîwaugîrîrie na mûgambo mûnene atîrî: “Nî rîgwîte, Babuloni îtûûra rîrîa rînene nî rîgwîte! Nî rîtuîkîte gîîkaro Kîam ndaimono na îkurungu rîa roho mûcûku, na iconi cionthe njûku na irî mûgiro itûûraga kuo.