Jeremia 5:1 - ÎVUKU RÎA ÛVORO MWARO

¹ Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Jeremia 5:1 ပူးပေါင်းရင်းမြစ်များ

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

Thaburi 12:1

Tûtethie, Ngai-Mûnene! Gûtirî mûndû mwaro ûtigarîte, andû arîa evokeku nî athiru gûkû nthî.

Thaburi 14:2

Ngai-Mûnene arî îgûrû nîaroragia andû gûkû nthî, nîguo one kana kûrî wanarî andû aûgî, wana kana kûrî andû mamûgoocaga.

Thaburi 14:3

Nwatî onthe nî eviu, mevîtie ûndû ûmwe onthe. Gûtirî wanarî ûmwe wao wîkaga waro, gûtirî wanarî ûmwe.

Thaburi 94:16

Nîûrîkû wandethirie kûrûa na andû arîa aganu? Nîûrîkû warî mwenarî wakwa ngîrûa na eki naaî?

Nthi 20:6

Andû eengî metucaga atî nî aro, nwatî mûndû mwîvokeku angîuma kû?

Nthi 23:23

Gûra ûma na ndûkawendie, gûra ûûgî, kîrîra na ûmenyo.

Nthi 8:3

Arûngamîte kîvingorî gîa gûtonya îtûûrarî, arî kîvingorî gîa îtûûra, araugîrîria akiugaga atîrî,

Rwîmbo rwa Nyîmbo 3:2

Nînaûkîrire ngîthiûrûrûka îtûûrarî, nathiûrûrûkire varavararî na tûcangirirî, ngîcaragia mwendwa wakwa. Naamûcaririe nwatî ndiamwona.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Jeremia 2:29

Mûrareta mateta menyu kûrî nie nîkî? Muonthe nîmûreganîte nanie, ûguo nîguo Ngai-Mûnene arauga.

Jeremia 44:15

Nao arûme onthe arîa maamenyire atî aka ao maarî avîvîriu ngai ng'eni ûbani na aka onthe arîa maarûngamîte vau, gîkundi kînene Kîam andû vamwe na andû a Isiraeli arîa maatûûraga Pathirosi vûrûrirî wa Misiri nîmaacokerie Jeremia atîrî,

Jeremia 8:6

Mbîthîrîtwe nthikîrîrîtie waro, nwatî matiaragia ûvoro wa ma. Gûtirî mûndû wanarî ûmwe wîriraga nîûndû wa waganu wake; na eyûrie atî, ‘Mbîkîte atîa?’ Wa mûndû athiîcaga njîra yake ke mwene, ta mbarathi îvinyûrîte mbaararî.

Jeremia 9:2

Narî kethîrwa nîrî na vandû va kûraara werûrî, ndige andû akwa vo na nthiî kûraca nao. Nîûndû nî itharia, nî gîkundi Kîam acukanîrîri.

Jeremia 9:7

Kwoguo Ngai-Mûnene mwene vinya wonthe arauga atîrî, “Taroria andû akwa nî evia, nîngûmatheria na nîmagerie, nîûndû gûtirî ûndû wîngî nîngîmeka.

Ezek 22:30

Naacaririe mûndû gatagatîrî kao ûrîa ûngîtuma rûthingo na arûngame mbere yakwa vandûrî va andû a vûrûri nîguo ndikamacûkangie, nwatî ndianona wanarî ûmwe.

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Danieli 12:4

Nwatî we, Danieli, vinga îvuku na ûrîkîre rûtumo, nginya kavinda ka mûthiia wa nthî. Andû eengî nî makaavinyûra ava na vaarîa na nî makoongerera ûûgî.

Joeli 2:9

Mavinyûranagia rûthingorî; mavaritaga nyomba magatonyerera îgûrû; matonyagîrîra ndiricarî ta aîi.

Amosi 8:12

Andû nîmakaathiûrûrûka kuuma îria rîmwe kûthiî rîrîa rîngî, na kuuma rûgûrû kûthiî îrathîro. Nîmakavinyûra ava na vaarîa magîcaria kiugo Kîam Ngai, nwatî matigakîona.

Zakaria 2:4

na akîmwîra atîrî, “Vinyûra ûthiî wîre mwanake ûrîa ûrî na rûrigi rwa kûthima atî ‘Îtûûra rîa Jerusalemu nîrîtuîka îtûûra rîtarî ririgîre na rûthingo nîûndû rîkethagîrwa na andû eengî mûno na nyamû nyîngî mûno cia kûrîthua.

Luka 14:21

“Nayo ndungata îo nîyacokire mûciî kwa mûnene wayo na îkîmwîra maûndû mau monthe. Nake mûnene ûcio nîwarakarire mûno na akîra ndungata îo atîrî, ‘Îîvîke ûthiî varavararî na tûcîrarî twa îtûûra rîîrî, ûke na athîni, cionje, atumumu, na ithua.’

2Ath 2:10

Nîagaatûmîra waganu wa mîthemba yonthe nîguo aveenie andû arîa makaathirua. Magaakua nîûndû nîmaaregire kwamûkîra na kwenda ûma nîguo mavonokue.