Jeremia 49:5 - ÎVUKU RÎA ÛVORO MWARO

⁵ Taroria, nîngûmûretera maûndû ma kûmwîguithia guoya, kuuma kûrî andû onthe arîa mamûrigicîrîtie, namue nîmûkavinyûrua wa mûndû aûre njîra yake, na gûtikaagîa mûndû wa gûcokanîrîria arîa maaûrire. Ûguo nîguo nie Ngai-Mûnene nîrauga.

Jeremia 49:5 ပူးပေါင်းရင်းမြစ်များ

2Atha 19:7

Taroria, kûrî ûvoro ngûtûma mûthamaki wa Asîria egue na ûtûme acoke vûrûrirî wake, na kûu nîkuo ngaatûma aûragîrwe.”

Ayubu 15:21

Egucaga mîgambo ya kûmakania matûûrî make; rîrîa agwîciria arî na thayû, nîrîo atharîkagîrwa nî acunani.

Nthi 28:1

Mûndû mwaganu aûraga wana atarî mûvinyûrie nî mûndû, nwatî ûrîa mûthingu ethagîrwa aûmîrîrîtie ta mûnyambû.

Isaia 16:3

Andû a Moabu marera andû a Juda atîrî, “Tûtaareni, mûtwîre ûrîa tûgwîka. Tûthitheni mûtûgitîre, ta ûrîa gûtukaga ûtheri ûkathira. Tûthitheni tue tûraûrûra; mûtigatûkunyanîre tue nîkwa tûrîte.

Jeremia 15:8

Nîndûmîte aka ao a ndigwa mongerereke, na mengîve gûkîra mûthanga ûrîa ûrî îriarî. Aciari a andû ethî nînîmareterete, ûndû wa kûmacûkangia mûthenya. Nîndûmîte manyitwe nî ûrûrû na kîmako wa rîmwe.

Jeremia 16:16

Ngai-Mûnene arauga atîrî, “Nîngwîta ategi eengî mûno a nthamaki nîguo matege andû aya. Nîngûcoka mbîte aguîmi eengî mûno, nîguo mamacarie irîmarî cionthe na tûrîmarî na ngurungarî cia mathiga.

Jeremia 20:4

Nîûndû Ngai-Mûnene arauga atîrî, ‘Ta roria nîngatûma ûtuîke kiumo Kîam guoya kûrî we mwene na kûrî arata aku onthe. O nîmakaûragîrwa mbaararî nî nthû ciao ûkîonaga. Nîngavecana vûrûri wonthe wa Juda kûrî mûthamaki wa Babuloni. Nake nîakamoca amavire Babuloni marî mîgwate na nîakamaûraga.

Jeremia 46:5

“Nwatî nîndûî nîrona? Nîmacokete na vuva. Njamba ciao cia mbaara nî mvoote, na makaûra na îvenya, wana matiraroria na vuva. Guoya wîcûrîte kûndû kuonthe. Ûguo nîguo Ngai-Mûnene arauga.

Jeremia 49:29

Ocani magema mao na ndîthia ciao, wana mbathia na indo ciao cionthe; macuneni ngamîîra ciao na mûmeere atîrî, ‘Guoya wîcûrîte kûndû kuonthe!’

Jeremia 6:25

Tûtingîthiî mîgûndarî, kana tûthiîrîra varavararî, nîûndû nthû igwatîte indo cia mbaara, na guoya wîcûrîte kûndû kuonthe.”

Maca 4:15

Andû maaugagîrîria makameera atîrî, “Umani ava. Mue mûrî mûgiro! Thiîni! Mûtikamvutie!” Kwoguo andû acio maatuîkire aûrûri matarî gîkaro, maumaga vûrûrirî ûmwe makathiî ûrîa wîngî; andû a mavûrûri maugaga atîrî: “Matigekarania natue rîngî.”

Amosi 4:3

Mûgakururua nginya kûrîa kûrî na mîanya rûthingorî mwikue na nja. Ûguo nîguo Ngai-Mûnene arauga.”

Josh 2:9

na akîmera atîrî, “Nîmbicî atî Ngai-Mûnene nîavecanîte vûrûri ûyû kûrî mue. Nao andû arîa onthe matûûraga vûrûrirî ûyû marî na guoya nyîngî mûno nîûndû wenyu.