Jeremia 49:16 - ÎVUKU RÎA ÛVORO MWARO

¹⁶ Guoya îrîa wîkîrîte andû na mwîtîîo waku nîikûveenetie, we wîkaraga ngurungarî cia mathiga na ûtûûraga kîrîmarî îgûrû! Nwatî wana gwatuîka ûtûûraga îgûrû ta nderi, nîngakûnyûrûrûkia kuuma kûu ûtûûraga. Ûguo nîguo nie Ngai-Mûnene nauga.”

Jeremia 49:16 ပူးပေါင်းရင်းမြစ်များ

2Atha 14:7

Amazia nîwaûragîre athigari a Edomu Kîandarî gîa cumbî na akîîgwatîra îtûûra rînene rîa Sela na akîrîta Jokitheeli, na nwaguo rîtagwa nginya ûmûnthî.

Ayubu 39:27

Nîwe wathaga nderi kîgûrûke, na gîgatuma kîomba gîa kîo kîrîmarî îgûrû?

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Nthi 18:21

Maûndû marîa mûndû aragia nwa matûme akue kana atûûre mwoyo; kwoguo andû arîa mendete kwaria nîmonaga maciaro ma mîario yao.

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

Rwîmbo rwa Nyîmbo 2:14

We wîkariî ta ndutuura îthithîte mwanyarî wa îthiga. Tiga mone ûthiû waku, tiga mbîgue mûgambo waku, nîûndû mûgambo waku ûrî mûrîo, na ûthiû waku nî mûthaka.

Isaia 10:14

Ta ûrîa mûndû atambarûkagia njara akanyita kîomba Kîam gîconi, nwaguo naanyitire ûtonga wa andû. Ta ûrîa mûndû ocanagia matumbî matigîtwe kîombarî, nwaguo mbocete andû a nthî yonthe. Gûtirî mûndû wanarî ûmwe wambararirie îthagu kana atumûra kanyua ambugîrîrie!

Isaia 2:21

Andû nîmakethitha ngurungarî cia mathiga, na mîanyarî ya mathiga, nîguo maûrîre marakara ma Ngai-Mûnene, na riiri wa vinya wake rîrîa agaaûka kûmakia nthî.

Isaia 49:25

Nwatî Ngai-Mûnene arauga atîrî, “Wana indo irîa itavîtwe nî andû njamba nîigoocwa, na andû arîa movetwe nî njamba irîa irî vinya nîmakaavonokua, nîûndû nie nînie ngaarûa na andû arîa marûaga nawe, na nîngaavonokia ciana ciaku.

Jeremia 48:14

“Andû a Moabu, mugaga mûrî njamba, na athigari a mbaara marî vinya atîa?

Jeremia 49:15

Nie Ngai-Mûnene nîngûgûtua we Edomu, vûrûri mûnini gûkîra mavûrûri marîa mengî, na ûnyararagwe nî andû onthe.

Jeremia 50:29

Îrani andû arîa marûaga na mîguî makatharîkîre Babuloni. Rigicîriani îtûûra rîu na mûtikareke mûndû wana ûmwe ethare. Rîverithieni kûringana na ciîko ciarîo, mûrîke wata ûrîa rîkîte mavûrûri marîa mengî, nîûndû rîthîrîtwe rîkînyarararithie Ngai-Mûnene Ûrîa Mûtheru wa Isiraeli na mwîtîîo warîo.

Jeremia 51:53

Wana ethîrwa Babuloni nîîkunûkia na îgûrû, na îtume nyomba cia kwîgitîra ndaca na îgûrû; nîngaatûma andû a kûrîcûkangia. Nie Ngai-Mûnene nînie nauga ûguo.”

Amosi 9:2

Wana menja njîra îthiîte kwa arîa akuû, nîngaamaruta kuo na njara yakwa; wana mangîkaunûkia mathiî îgûrû, wana kuo nîngamanyûrûrûkia gûkû nthî.

Habakuku 2:9

We wîtongetie na indo irîa wocete na vinya, kaî wî na thîna-î, na nîûgeretie kwiga mûciî waku ûrî na thayû na ûtarî na thîna wanarî vanini.

Malaki 1:3

na ngîthûra Esaû. Nînacûkangirie vûrûri wa Esaû ûrîa ûrî irîma na nîguo îgai rîake, na ngîûtigîra nyamû cia kîthaka ciîkarage kuo.”