Jeremia 48:47 - ÎVUKU RÎA ÛVORO MWARO

⁴⁷ Nwatî vuvarî nîngacokeria Moabu mûnyaka wake. Ûguo nîguo Ngai-Mûnene arauga.” Rîu nîrîo îtuîro rîa vûrûri wa Moabu.

Jeremia 48:47 ပူးပေါင်းရင်းမြစ်များ

Ayubu 19:25

Nie nîmbîcî mûngûûri arî mwoyo, na mûthiiarî nîakaanjirîrîra na kîvooto.

Isaia 18:7

Vîndî îo, Ngai-Mûnene mwene vinya wonthe nîakaavirîrwa iveo kuuma vûrûrirî ûyû ûgaanîtue nî nyûnjî, ûrî andû araca na marî ngothi nyoroku. Andû acio nîmetigîrîtwe nthî yonthe. Magaaûka Kîrîmarî gîa Zayuni, varîa Ngai-Mûnene Mwene Vinya wonthe agoocagîrwa.

Isaia 23:18

Mbeca irîa rîkaagîa nacio ikaamûrîrwa Ngai-Mûnene. Mbeca icio itikaigwa, nwatî nîigaatûmîrwa nî arîa magoocaga Ngai-Mûnene kûgûra irio nyîngî na nguo mbaro.

Isaia 25:11

Nîmakaambararia njara ciao ta mûndû akîgeria kûthambîra, nwatî Ngai-Mûnene nîakaathiria mwîtîîo wao vamwe na wara wao

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Jeremia 12:14

Ngai-Mûnene arera andû arîa aganu arîa mariganîtie na vûrûri ûrîa Ngai-Mûnene aaveere andû a Isiraeli ûrî îgai rîao atîrî, “Nama nîngûkûûra andû akwa maume vûrûrirî wao, na ngûûre vûrûri wa Juda ume gatagatî kao.

Jeremia 12:15

Narîkia kûmakûûra nîngameguîra ntha rîngî, na nîmacokie wa mûndû vûrûrirî wake kûrîa aagaîrwe.

Jeremia 23:20

Marakara ma Ngai-Mûnene matikathira nginya rîrîa akethîrwa ekîte na akavingia wendi wa meciria make. Mûthiiarî, nî ûgataûkîrwa nîguo waro.”

Jeremia 30:24

Ngai-Mûnene ndagaacokithia marakara make, nginya rîrîa akavingia ûrîa avangîte gwîka. Vuvarî nîmûgaataûkîrwa nî maûndû mau.

Jeremia 46:26

Nîngamanenganîra kûrî Nebukadinezarû mûthamaki wa Babuloni na athigari ake arîa mendaga kûmaûraga. Vuvarî vûrûri wa Misiri nîûkaagîa na andû wata arîa maarî kuo mbere. Ûguo nîguo nie Ngai-Mûnene nîrauga.

Jeremia 49:39

Nwatî mavindarî ma mûthiia, nîngaatûma îtûûra rîa Elamu rîgacîre rîngî. Ûguo nîguo nie Ngai-Mûnene nîrauga.”

Jeremia 49:6

Vuva wa ûguo nîngatûma andû a Aamoni magacîre. Nie Ngai-Mûnene nînie nauga ûguo.”

Ezek 38:8

Vuva wa mîaka mîîngî nîûgetwa ûthiî ûkatharîkîre vûrûri kûrîa andû maaretirwe vamwe kuuma mavûrûrirî mengî na matûûraga matarî na guoya wa mbaara. Nîûkaatharîkîra irîma cia Isiraeli irîa mbererî ciarî werû na maganjo vandû va kavinda karaca, nwatî rîu andû onthe matûûraga marî agitîre.

Danieli 10:14

Nie naûka gûgûtethia gûtaûkîrwa nî maûndû marîa mageekîka kûrî andû aku mavinda marîa magaaûka. Nîûndû kîoneki gîkî nîkîa mavinda marîa magaaûka.”

Danieli 11:41

Nî akaatharîkîra vûrûri wa kîîranîro na aûrage andû ngiri makûmi mengî. Nwatî vûrûri wa Edomu, Moabu na gîcunjî kînene Kîam Amoni nîikaavonokua kuuma kûrî ke.

Danieli 2:28

Nwatî îgûrû, kûrî Ngai ûrîa ûguûragia maûndû marîa marî nthithorî, na nîaguûrîrîtie Mûthamaki Nebukadinezarû ûrîa gûkethîrwa gwîkariî vuvarî. Kîroto na cioneki irîa warî nacio rîrîa wamamiî nî îno:

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Ndari 24:14

Balaamu nîwerire Balaki atîrî, “Rîu nie nthiîte kûrî andû etû. Nwatî mbere ya nthiî tiga ngûtaare ûvororî wîgiî ûrîa andû a Isiraeli mageeka andû aku mavinda marîa magaaûka.”

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Gûco 4:30

Rîrîa mûkaagîa na mathîna na maûndû mama monthe mekîke kûrî mue, nîmûgaacokerera Ngai-Mûnene, Ngai wenyu na mûmwathîkîre.