Jeremia 48:44 - ÎVUKU RÎA ÛVORO MWARO

⁴⁴ Mûndû ûrîa ûkaûra nî kîmako, nî akagwa îrimarî, na mûndû ûrîa ûkauma îrimarî, nîakaanyitwa nî mûtego. Nîûndû Ngai-Mûnene areterete Moabu maûndû mama, nîûndû mwaka wao wa kûmaverithia nîmûkinyu. Ûguo nîguo Ngai-Mûnene arauga.

Jeremia 48:44 ပူးပေါင်းရင်းမြစ်များ

1Atha 19:17

Mûndû ûrîa ûkaavonoka kûûragwa nî Hazaeli nîakaaûragwa nî Jehu, na mûndû ûrîa ûkaavonoka kûûragwa nî Jehu nîakaaûragwa nî Elisha.

1Atha 20:30

Arîa maatigarire nîmaaûrire makîthiî îtûûrarî rîa Afeku. Nacio nthingo cia îtûûra rîu nîciomomokire na ikîûraga andû ngiri mîrongo îîrî na mûgwanja (27,000) ao. Benihadadi wanake nîwaûrîre îtûûrarî na akîîthitha nyombarî îmwe ya ndaarî kûu îtûûrarî.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 24:17

Guoya, marima na mîtego, nîcio imwetererete, mue mûtûûraga nthî.

Isaia 24:18

Mûndû ûrîa ûkaaûra nî înegene, akaagwa îrimarî rîu; nake ûrîa ûkaauma îrimarî, akaagwatwa nî mûtego. Nîûndû ndirica cia îgûrû nî mvingûre, nayo mîcingi ya nthî nîîrainaina.

Jeremia 10:15

Ngai icio nî cia mana na nî cia kînyarari; vîndî îrîa ikaverithua nî ikathirua.

Jeremia 11:23

Nîmvangîte îvinda rîa kûrete mûthiro kûrî andû a Anathothi. Îvinda rîu rîakinya, gûtirî mûndû ûgatigara arî mwoyo.”

Jeremia 16:16

Ngai-Mûnene arauga atîrî, “Nîngwîta ategi eengî mûno a nthamaki nîguo matege andû aya. Nîngûcoka mbîte aguîmi eengî mûno, nîguo mamacarie irîmarî cionthe na tûrîmarî na ngurungarî cia mathiga.

Jeremia 23:12

Kwoguo njîra ciao ikethîrwa irî ndenderû kûrî na nduma, kûrîa makaavirwa na magwe, na nîngamaretithîria mûthiro rîrîa mwaka wa kûmaverithia ûgakinya.” Ûguo nîguo nie Ngai-Mûnene nîrauga.

Jeremia 46:21

Wana athigari ake a gûkomborwa, nîta njaû noru; wanao nîagarûrûku makavinyûra vamwe, matiavota kûmîrîria, nîûndû mûthenya wao wa gûcûkangua nî mûkinyu, îvinda rîao rîa kûverithua nîrîkinyu.

Jeremia 49:8

Andû a Dedani garûrûkani mûre! Îthitheni! Nîngwananga njiarwa cia Esaû, nîûndû îvinda rîa kûiverithia nîrîkinyu.

Jeremia 50:24

We Babuloni, nagûtegire na ngîkûgwatia, na ndwamenya ûndû ûcio, nîwonekire na ûkîgwatwa, nîûndû nîwang'ang'anire na Ngai-Mûnene.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Jeremia 51:18

Mîvuanano îo nî ya mana, na nî ûthani mûtheri; vîndî îrîa makaverithua nîgaacûkangua.

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Maca 3:47

Tûnyitîtwe nî guoya na kîmako, twîthîrîrîtue nî mûthiro na gûcûkangua.

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Amosi 5:19

Nîta mûndû akîûra nî mûnyambû agacoka agatûngwa nî ngatûnyi, kana atonyete nyomba na agetira rûthingorî na njara îkarûmwa nî njoka.

Mika 7:4

Ûrîa mwaro mûno ekariî ta ria, na ûrîa mwathîki mûno ekariî ta mûgûnda wa mîgua. Îvinda rîa kûverithua nî Ngai nî rîkinyu, na rîu nîavîngîcîku.