Jeremia 48:41 - ÎVUKU RÎA ÛVORO MWARO

⁴¹ Matûûra na kûndû kûrîa kûgitîre nîgûgaatavwa. Mûthenya ûcio athigari a mbaara a Moabu, nîmakegua guoya ta mûndûmûka akîgîa na mwana.

Jeremia 48:41 ပူးပေါင်းရင်းမြစ်များ

Isaia 13:8

Nîmakegua guoya na ruuo, megue ruuo ta rwa mûndûmûka akîgîa mwana. Makaaroranagia wa mûndû amakîtue nî ûrîa wîngî, namo mothiû mao makethîrwa mecûrîtwe nî nthoni.

Isaia 21:3

Maûndû marîa noonire na ngîgua nîmaatûmire mbîgua ûrûrû mûno, nîrî mwîcûre nî ûrûrû mwîngî, ûrûrû ta wa mûndûmûka agîciara. Nînîratuurwa mûno nginya ngaremwa nî kwîgua, nîrî mûmaku mûno nginya ngaremwa nî kwona.

Jeremia 30:6

Rîu ta îyûrieni na mwîcirie: mûndûmûrûme nwa aciare mwana? Nîndûî kîratûma mone wa mûndûmûrûme, aigîrîrîte njara îvu ta mûndûmûka arî na ûrûrû wa gûciara? Nîndûî gîtûmîte mothiû ma andû onthe mathite?

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 4:9

Ngai-Mûnene arauga atîrî, “Mûthenya ûcio athamaki na anene nîmakaathirwa nî vinya na athînjîri-Ngai nîmakaamaka nao arathi mavavûke.”

Jeremia 48:24

Keriothi na Bozira. Ngai-Mûnene nîatuîrîrîte matûûra monthe ma Moabu, marîa marî kûraca na marî gûkuvî.

Jeremia 49:22

Taroria, nthû îkaagûrûka na îgûrû na îvenya ta nderi na îtharîkîre Bozira. Mûthenya ûcio, andû a Edomu nîmakaagîa na guoya ta wa mûndûmûka arî na ûrûrû wa gûciara.”

Jeremia 49:24

Andû a Damesiki nîaûre nî vinya, maagarûrûkire maûre makînyitwa nî guoya; nîmagîte na ruuo na kîeva kînene, ta mûndûmûka arî na ûrûrû wa gûciara.

Jeremia 50:37

Ûragani mbarathi ciaguo na mûcûkangie ikaari cia mbarathi, ûragani athigari onthe a gûkomborwa, nîguo magîe guoya ta aka! Cûkangiani mîthithû yake, nîguo indo itavwe.

Jeremia 50:43

Mûthamaki wa Babuloni nîeguîte ûvoro wao, njara ciake ikathira vinya; nîagîte na kîeva, na ûrûrû ta wa mûndûmûka agîciara.

Jeremia 51:30

Athigari a Babuloni nîmatigîte kûrûa, mekarîte nyombarî ciao cia kwîgitîra; vinya wao nîmûthiru na marî na guoya ta aka. Nyomba ciao nî mvîvie na mwaki, na mîrango yao îkaunangwa.

Jeremia 6:24

Andû a Jerusalemu marauga atîrî, “Nîtwîguîte ûvoro wao, njara cietû ikathira vinya; nîtûgîte na ûrûrû ta rwa mûndûmûka agîciara.

Amosi 2:2

Kwoguo nîngaatûma mwaki îtûûrarî rîa Moabu, ûcûkangie kûndû kûrîa kûgitîre îtûûrarî rîa Keriothi. Rîrîa athigari a mbaara makaugîrîria na mavuve tûrumbeta, andû a Moabu nîmagaakua.

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.