Jeremia 48:40 - ÎVUKU RÎA ÛVORO MWARO

⁴⁰ Ngai-Mûnene arauga atîrî, “Taroria kûrî vûrûri ûgaûka na îvenya ûtharîkîre Moabu, ûgaûka wambîte mathagu ta nderi.

Jeremia 48:40 ပူးပေါင်းရင်းမြစ်များ

Nthi 30:19

ûrîa nderi îthiîcagîrîra rîerarî, ûrîa njoka îthiîcagîrîra rûciararî rwa mathiga, ûrîa meri îthiîcagîrîra îriarî, na ûrîa mwanake mendanaga na mwîrîtu.

Isaia 11:14

Efiraimu na Juda marî vamwe nîmakaatharîkîra Afilisiti mwena wa îthûîro. Nîmakaavoota andû a Edomu na a Moabu, nao andû a Amoni mamathîkîre.

Isaia 8:8

Mwîcûro wa rûnjî rûu ûkaanyagania vûrûrirî wa Juda, na manjî mengîve mûno mecûre vûrûri wonthe. Nwatî Ngai arî vamwe natue, mathagu make matambûrûkîte kûndû kuonthe nîguo makunîkîre vûrûri wake.”

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Jeremia 49:22

Taroria, nthû îkaagûrûka na îgûrû na îvenya ta nderi na îtharîkîre Bozira. Mûthenya ûcio, andû a Edomu nîmakaagîa na guoya ta wa mûndûmûka arî na ûrûrû wa gûciara.”

Maca 4:19

Arîa maatûvinyûrîtie maarî na îvenya mûno, gûkîra ndiiû irî îgûrû, maavinyûranîrie natue irîmarî, na magîtwîthithîra werûrî.

Ezek 17:3

na ûmere nie Ngai-Mûnene mbugîte atî kwarî na nderi nene mûno yarî na mathagu manene. Mathagu maruo maarî na mbûî nyîngî ndaca cia rangi mwanya mwanya. Nderi îo nîyagûrûkire na îkîthiî kîrîmarî Kîam Lebanoni rûkîgwa îgûrû rîa mûtarakwe.

Danieli 7:4

Ya mbere yekariî ta mûnyambû, na yarî na mathagu maîrî mekariî ta ma nderi. Wa ndoretie, mathagu mayo nî maagûkire na îgîûkîrua îkîrûngama ta mûndû; na îgîcoka îgîkîrwa meciria ta ma mûndû.

Hosea 8:1

Vuva karumbeta! Nthû cienyu ciûkîte ta ndiiû, kûtharîkîra nyomba ya Ngai-Mûnene, nîûndû andû akwa nîmaunîte kîrîkanîro kîrîa narûthire nao, na magîtiganîria watho wakwa.

Habakuku 1:8

“Mbarathi ciao irî îvenya gûkîra itang'a; nînyûmîrîru gûkîra ciathi irî mvûtu. Itwîte mbarathi ciumîte kûndû kûraca; andû ao arîa mathiîcaga maumaga kûndû kûraca, igûrûkaga na îvenya ta nderi îkînyita gîa kûrîa.

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.