Jeremia 48:37 - ÎVUKU RÎA ÛVORO MWARO

³⁷ Andû onthe nîenju ciongo na nderu ciao. Onthe nîmetemangîte njara, na makeyova nguo cia macakaya ciûnorî.

Jeremia 48:37 ပူးပေါင်းရင်းမြစ်များ

Kîam 37:29

Rîrîa Reubeni aacokire îrimarî na akîthîra Josefu atarî kuo, nîwegwire kîeva na agîtembûranga nguo ciake.

Kîam 37:34

Jakovu nîwatembûrangire nguo ciake na agîkîra nguo ya macakaya kîûnûrî. Nîwacakaîre mûvîcî mîthenya mîngî.

1Atha 18:28

Kwoguo arathi acio nîmaaugîrîrie na mîgambo mînene mûno na magîîtemanga na mviû na matumû kûringana na mûtugo wao, nginya makiura nthakame mûno.

1Atha 21:27

Rîrîa Elija aarîkirie kwîra Ahabu ûguo, Ahabu nîwatembûrangire nguo ciake, agîkîra nguo cia macakaya na akînyerekia. Nîwamamaga ekîrîte nguo cia macakaya na akathiîcaga kûndû na kûndû arî na kîeva.

2Atha 6:30

Rîrîa mûthamaki eeguire ûrîa mûndûmûka ûcio aaugire, nîwatembûrangire nguo ciake na marûrû. Vîndî îo nîkwa aavîtûkîte arî îgûrû rîa rûthingo, nao andû nîmaaroririe na makîona ekîrîte nguo cia macakaya rungu rwa nguo ciake.

1Maû 19:4

Kwoguo Hanuni nîwagwatire anjaama a mûthamaki Daudi, akîmenja nderu, agîtinîria nguo ciao gatagatî kîûnûrî na akîmera mathiî.

Isaia 20:2

Ngai-Mûnene nîwerire Isaia mûvîcî wa Amozu atîrî, “Thiî ûrute nguo îo ya macakaya wîyovete kîûnûrî na ûrute iratû magûrûrî maku.” Nake Isaia nîwekire guo, akîthiî arî njaga na arî magûrû matheri.

Isaia 3:24

Vandû va kûgîa na mûnungo mwaro, makaanungaga woru; vandû va kwîyova mîcivi, makeyova mîkanda; vandû va kwîthîrwa na njuîrî nthaka, makethîrwa na ivara; vandû va kwîthîrwa na nguo mbaro, mageekîra matangari; vandû va ûthaka makethîrwa na gîconoko!

Isaia 37:1

Rîrîa Mûthamaki Hezekia eeguire ûguo, nîwatembûrangire nguo ciake, agîkîra nguo cia macakaya na agîtonya nyombarî ya Ngai-Mûnene.

Jeremia 16:6

Itonga na athîni onthe nîmakuîra vûrûrirî ûyû, matikathikwa na gûtirî mûndû ûkamacakaîra, kana etemanga, kana enje kîrîa nîguo onanie atî nîaramacakaîra.

Jeremia 41:5

andû anana maumîte Shekemu, Shilo na Samaria nîmaakinyire. Nao menjetwe nderu, na marî na nguo ndembûkangu na metemangîte mîîrî nîguo monanie atî nîmarenyerekia. Maakuîte matega ma irio cia mîgûnda na ûbani mavirîte hekarûrî ya Ngai-Mûnene.

Jeremia 47:5

Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Jeremia 49:3

Mue andû a Heshiboni rîrani nîûndû îtûûra rîa Raba nîrîcûkangie! Mue andû a Raba cakayani! Îkîrani nguo cia macakaya, cakayani mûkîvinyûraga ava na varîa! Nîûndû ngai yenyu Milikomu nîîkûvirwa îthamîriorî, vamwe na athînjîri-Ngai ake na ndungata ciake.

Ezek 27:31

Menjete ciongo nîûndû waku, na mageekîra nguo cia macakaya, Nîmagaakûrîrîra marî na ûrûrû ngororî.

Ezek 29:18

“Mûndû, Nebukadinezarû mûthamaki wa Babuloni nîwavere athigari ake a mbaara wîra mûrito wa kûtharîkîra îtûûra rîa Turo. Ciongo ciao cionthe nîciathirire njuîrî nîûndû wa gûkuua mîrigo mîrito nacio ciande ciao igîcûnûka. Kûnarî ûguo, ke wana athigari ake matianyita kîndû gîa kûrîva wîra wa kûtharîkîra îtûûrarî rîa Turo.

Ezek 7:18

Nîmagekîra nguo cia macakaya na mekare mamakîte mûno. Nîmakoonekaga marî na gîconoko na menjetwe njuîrî ciongo.

Alawi 19:28

kana mwîtemange mîîrî yenyu mûgîcakaîra mûndû arî mûkuû. Nie nînie Ngai-Mûnene.

Amosi 8:10

Nîngaatûma irugo cienyu ituîke kîrîro, na nyîmbo cienyu cionthe ituîke cia macakaya. Nîngaatûma andû onthe mekîre nguo cia macakaya, na ndûme menje njuîrî cionthe ciongorî ciao, gûgekara ta andû magîcakaîra mwana wa kîmomwe, na mûthenya wa mûthiia ûkethîrwa ûrî na ûrûrû mwîngî.

Mika 1:16

Andû a Juda enjani njuîrî cienyu mûtigwe mûrî irîa mûrîrîre ciana cienyu irîa mwendete, neneviani ivara cienyu ciîkare ta cia nderi, nîûndû ciana nîigaatavwa ivirwe îthamîriorî.

Maariko 5:5

Aatûûraga aûrûraga kûu mbîrîrarî na tûrîmarî ûtukû na mûthenya na akaugagîrîria agîîtemangaga na mathiga.

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”