Jeremia 48:2 - ÎVUKU RÎA ÛVORO MWARO

² Ngumo ya vûrûri wa Moabu nî nthiru, mîvango mîcûku îgiî Moabu yavangîrwe Heshiboni: ‘Ûkani tûûcûkangie ûtige gûtuîka vûrûri rîngî!’ Wanawe îtûûra rîa Madimeni nîûkûthira viû, ndûkaûrîra mbaara îrîa yûkîte.

Jeremia 48:2 ပူးပေါင်းရင်းမြစ်များ

Isaia 15:1

Îno nîyo ndûmîrîri ya Ngai îgiî Moabu: Îtûûra rîa Ari na rîa Kiri nîmacûkangîtue ûtukû ûmwe, naguo vûrûri wa Moabu ûkirîte îvooru.

Isaia 15:5

Ngoro yakwa nîîrarîrîra Moabu! Andû a kuo maûrîte makathiî Zoari, na Egilathi-shelishiya. Maunûkîtie na njîra îrîa îthiîte Luhithi makîrîraga; marî njîrarî mathiîte Horonaimu, nîmarauga mbu nî ûrîa macûkangîtue.

Isaia 16:14

Nwatî rîu Ngai-Mûnene arauga atîrî, “Vuva wa mîaka îthatû, ta îrîa îtaragîrwa mûruti wa wîra, riiri wa Moabu nîûkaathira. Wana ethîrwa andû a kuo nî eengî, nî andû anini tu magaatigara na matarî na vinya.”

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Jeremia 25:15

Ngai-Mûnene, Ngai wa Isiraeli aambîrire atîrî, “Oca gîkombe gîkî Kîam ndivei kuuma njararî yakwa gîcûrîte marakara makwa, ûkîvire mavûrûrirî marîa ngûgûtûma, na ûmanengere manyue.

Jeremia 25:17

Kwoguo nînocire gîkombe kîu kuuma njararî cia Ngai-Mûnene, ngîthiî gûkundia mavûrûri monthe kîrîa Kîamrî kuo.

Jeremia 31:36

Ngai-Mûnene arauga atîrî, “Ethîrwa watho ûcio mûrûmu nwa ume varî nie, njiarwa cia Isiraeli nwa itige gûtuîka rûrîrî nginya tene na tene.

Jeremia 33:24

“Nîkwa ûtarî mwîgu ûrîa andû marauga, atî Ngai-Mûnene nîmûreganu na nyomba igîrî irîa aathuurire, na nîcio Isiraeli na Juda. Andû acio nîmanyararîte andû akwa na matimonaga ta vûrûri.

Jeremia 46:28

Ngai-Mûnene arauga atî: ndûgetigîre we Jakovu ndungata yakwa, nîûndû nîrî vamwe nawe. Nîngacûkangia mavûrûri monthe mathire, kûrîa kuonthe nakûnyaganîrie, nwatî we ndigaagûcûkangia ûthira. Nîngakûverithia ûrîa kwagîrîrîte, ndigaagûtiga ndakûverithîtie.”

Jeremia 48:17

Mue muonthe mûriganîtie na Moabu rîcakaîreni, namue muonthe mwîcî rîîtwa rîake waro. Ugani atî: ‘Wathani wake wa vinya nîmûthirie vinya, riiri na vinya waguo nîciathira.’

Jeremia 48:42

Andû a Moabu nîmagacûkangua matige gûtuîka rûrîrî, nîûndû nîmenenevirie gûkîra Ngai-Mûnene.

Jeremia 48:45

“Andû arîa maûraga mathiîcaga Heshiboni gûcaria ûgitîri, îtûûra rîrîa vîndî îmwe rîathagwa nî mûthamaki Sihoni, nîûndû mwaki ûmîte Heshiboni, rûrîrîmbî rwa mwaki rumîte nyomba ya Sihoni, ûkavîvia mîvaka yonthe ya Moabu, na ûkavîvia irîma cia andû aya aremi.

Jeremia 49:3

Mue andû a Heshiboni rîrani nîûndû îtûûra rîa Raba nîrîcûkangie! Mue andû a Raba cakayani! Îkîrani nguo cia macakaya, cakayani mûkîvinyûraga ava na varîa! Nîûndû ngai yenyu Milikomu nîîkûvirwa îthamîriorî, vamwe na athînjîri-Ngai ake na ndungata ciake.

Jeremia 49:37

Nîngaatûma andû a Elamu metigîre nthû ciao, irîa ciendaga kûmaûraga. Nîngaûraga andû a Elamu nîrî na marakara meengî. Ngaamatûmîra athigari a mbaara mamaûrage mathire viû.

Ndari 32:37

Mûvîrîga wa Reubeni nîwatumire rîngî matûûra ma Heshiboni, Eleale, Kiriathaimu,