Jeremia 48:10 - ÎVUKU RÎA ÛVORO MWARO

¹⁰ Kûgwatwa nî kîrumi nî mûndû ûrîa ûrutaga wîra wa Ngai-Mûnene na mûvûthia; na kûgwatwa nî kîrumi nî mûndû ûrîa ûgiragia rûviû rwake rwîtûrûra nthakame!

Jeremia 48:10 ပူးပေါင်းရင်းမြစ်များ

1Atha 20:39

Rîrîa mûthamaki wa Isiraeli aavîtûkaga, mûrathi nîwamwîtire na akîmwîra atîrî, “Mwathi wakwa, nie ndungata yaku naarî mbaararî, rîrîa mûthigari aandeteere mûndû ûmwe na akîmbîra, atî menyerere mûndû ûcio; na angîkaaûra nîkwa ngaaûragwa, kana ndîve sîlûva ngiri ithatû (3,000).

1Atha 20:40

Nwatî nînaagwatirwe nî maûndû mengî na mûndû ûcio akîûra.” Nake mûthamaki wa Isiraeli nîwacokirie atîrî, “We nîwe wetuîra, na nwanginya ûvingie îtuîro rîaku.”

1Atha 20:42

Mûrathi nîwacokire akîra mûthamaki atîrî, “Ngai-Mûnene arauga atî, ‘Nîûndû nîûrekereretie mûndû aûre, ûrîa naathanîte aûragwe, we nîwe ûkûûragwa vandûrî vake, nacio ndungata ciaku ciûragwe nîûndû wa kûrekereria ndungata cia mûndû ûcio ciûre.’ ”

2Atha 13:19

Elisha nîwarakarirue nî mûthamaki na nîwamwîrire atîrî, “Ûngîaringa nthî maita matano kana matandatû, na nî ûngîethîrwa ûvootete andû a Sîria viû; nwatî rîu ûkaamavoota maita mathatû tu.”

Jeremia 11:3

Nîûkaamera Ngai-Mûnene, Ngai wa Isiraeli augîte atî kûgwatwa nî kîrumi nî mûndû ûrîa ûtavingagia maûndû marîa marî kîrîkanîrorî gîkî,

Jeremia 47:6

We rûviû rwa Ngai-Mûnene! Ûgakirîrîria rî? Coka njûrarî yaku, vurûka na ûkirîrîrie.

Jeremia 47:7

Rûviû rûngîkira atîa rîrîa Ngai-Mûnene arûvete kanya? Arwathîte rûcûkangie îtûûra rîa Ashikeloni, na andû arîa matûûraga rûtere rwa îria.”

Jeremia 50:25

Nîmvingûrîte kûrîa mbigaga indo cia mbaara, na nîirutîte kuo nîrî na marakara, nîûndû nie Ngai-Mûnene Mwene vinya wonthe, nîrî na wîra wa kûruta vûrûrirî wa Akalidei.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Josh 10:19

nwatî mûtigekare vo mue ene. Vinyûriani nthû na mûitharîkîre kuuma mwena wa vuva. Mûtikareke matonye matûûrarî mao, nîûndû Ngai-Mûnene, Ngai wenyu nîamûvotithîtie kûmavoota.”

Atir 5:23

Mûraika wa Ngai-Mûnene arauga atîrî, “Îtûûra rîa Merozu rîronyitwa nî kîrumi, andû arîa matûûraga kuo maronyitwa nî kîrumi. Nîûndû matiaûka gûtethia Ngai-Mûnene, kûrûa na andû arîa marî vinya.”

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”

1Sam 15:9

Nwatî Saûlo na arûme ake matiaûraga Agagi, ng'ondu irîa mbaro na ndegwa imwe irîa ciarî mbaro mûno, tûcaû na tûgondu tûrîa twarî twaro mûno, na indo cionthe irîa ciarî mbaro. Nîmaacûkangirie indo cionthe irîa ciarî nthûku na itaarî na vata.