Jeremia 43:6 - ÎVUKU RÎA ÛVORO MWARO

⁶ Andû acio maarî: Arûme, aka, ciana, erîtu a mûthamaki, na andû onthe arîa Nebuzaradani mûnene wa arangîri aatigîte na Gedalia mûvîcî wa Ahikamu, na ûmawe aarî Shafani; nîmoocire wana Jeremia na Baruku mûvîcî wa Neria.

Jeremia 43:6 ပူးပေါင်းရင်းမြစ်များ

Jeremia 38:22

Kîonekirî kîu, nînonire aka arîa maatigirwe mûciî kwa mûthamaki wa Juda makîvirwa kûrî anene a mûthamaki wa Babuloni. Nao maathiîte makiugaga atî, ‘Arata aku arîa wetîkîtie mûno nîmakûveenetie na nîmakûvootete, nîûndû magûrû maku nîmavorokeru ndakarî, nîmareganîte nawe magagûtiganîria.’

Jeremia 39:10

Nebuzaradani mûnene wa arangîri a mûthamaki, nîwatigire andû onthe arîa maarî athîni na mataarî wanarî kîndû kûu Juda, na akîmava mîgûnda ya mîthavibu wa vamwe na mîgûnda ya kûrîma.

Jeremia 40:11

Ayahudi onthe arîa maarî Moabu, Amori, na Edomu na mavûrûri mau meengî, nîmegwire atî mûthamaki wa Babuloni nîwatigîte andû amwe Juda, na atî nîwathuurîte Gedalia mûvîcî wa Ahikamu, mûvîcî wa Shafani atuîke mûnene wao.

Jeremia 40:7

Anene onthe a athigari a mbaara vamwe na andû ao nîmegwire atî mûthamaki wa Babuloni nîwathuurîte Gedalia mûvîcî wa Ahikamu atuîke mûnene wa vûrûri. Wana nîmegwire atî nîwamûtuîte mûrûngamîrîri wa arûme, aka, na ciana na andû arîa athîni arîa mataavirwa îthamîriorî Babuloni.

Jeremia 41:10

Ishumaeli nîwacokire agîtava erîtu a mûthamaki na andû acio engî maatigarîte marî Mizipa, arîa Nebuzaradani mûnene wa arangîri aatuîte Gedalia mûmenyereri wao. Ishumaeli mûvîcî wa Nethania nîwamatavire na akîringa nao vûrûri wa Aamoni.

Jeremia 43:3

Baruku mûvîcî wa Neria nîke ûkûringîrîrîtie warie maûndû mama, nîguo twîkare gûkû tûcoke tûûragwe nî Akalidei, kana matûvire îthamîriorî Babuloni.”

Jeremia 45:1

Ino nîcio ciugo irîa mûrathi Jeremia aaririe mwaka wa kana vîndî ya wathani wa Jehoiakimu mûvîcî wa Josia, nake Baruku mûvîcî wa Neria nîwandîkaga ciugo icio îvukuurî.

Jeremia 52:10

Nake mûthamaki wa Babuloni nîwaûragire ciana cia Zedekia mbere ya îthe wao, wana akîûragithia anene onthe a Juda.

Maca 3:1

Nie nîmûnyamarîku mûno, Ngai nîamverithîtie arî na marakara.

Johana 21:18

Nîrakwîra na ma atî vîndî îrîa warî mwîthî wevaragîria na ûkathiî wa kûrîa kuonthe wendaga, nwatî vîndî îrîa ûgaakûra ûgaatambûrûkia njara ciaku nake mûndû wîngî akwove na akûvire kûrîa ûtarenda kûthiî.”