Jeremia 43:3 - ÎVUKU RÎA ÛVORO MWARO

³ Baruku mûvîcî wa Neria nîke ûkûringîrîrîtie warie maûndû mama, nîguo twîkare gûkû tûcoke tûûragwe nî Akalidei, kana matûvire îthamîriorî Babuloni.”

Jeremia 43:3 ပူးပေါင်းရင်းမြစ်များ

Thaburi 109:4

Wana ethîrwa nînîmendete, nîmareganaga nanie, kûnarî ûguo nînaamavoere.

Jeremia 32:12

Nînanenganîre maarûa îo ya ûgûri wa mûgûnda kûrî Baruku mûvîcî wa Neria; Neria ararî mûvîcî wa Mahiseia. Namûnengeere maarûa îo mbere ya Hanameli mûvîcî wa mama, na mbere ya aira aîrî arîa meekîrîte kîrore maarûarî îo ya kûgûra mûgûnda na mbere ya Ayahudi onthe arîa maarî vau nja ya kîvaro Kîam arangîri.

Jeremia 36:10

Baruku nîwathomere andû onthe ciugo cia Jeremia irîa ciandîkîtwe îvukuurî rîa gîkûnjo, arî nyombarî ya Ngai-Mûnene kanyombarî ka Gemaria mûvîcî wa Shafani ûrîa warî mwandîki. Kanyomba kau kaarî mwena wa îgûrû vakuvî na mwîrîga mûcerû wa nyomba ya Ngai-Mûnene.

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Jeremia 36:4

Jeremia nîwacokire agîîta Baruku mûvîcî wa Neria na akîmwîra andîke îvukuurî rîa gîkûnjo maûndû monthe marîa Ngai-Mûnene aamwîrîte.

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Jeremia 41:18

nîûndû nîmetigagîra Akalidei kuuma vîndî îrîa Ishumaeli mûvîcî wa Nethania aaûragire Gedalia mûvîcî wa Ahikamu ûrîa wathuurîtwe atuîke mûnene wa vûrûri ûcio.

Jeremia 43:6

Andû acio maarî: Arûme, aka, ciana, erîtu a mûthamaki, na andû onthe arîa Nebuzaradani mûnene wa arangîri aatigîte na Gedalia mûvîcî wa Ahikamu, na ûmawe aarî Shafani; nîmoocire wana Jeremia na Baruku mûvîcî wa Neria.

Luka 6:26

Na kaî mue andû arîa mûkumagua nî andû onthe mûrî na thîna-î! Nîûndû ûguo nwaguo methe ma andû acio meekire arathi a maveeni.”