Jeremia 43:12 - ÎVUKU RÎA ÛVORO MWARO

¹² Nîakaavîvia hekarû cia ngai cia Misiri na mwaki na acoke avîvie ngai cia mîvuanano na icio ciîngî aitave athiî nacio Babuloni. Ta ûrîa mûrîthi atoraga kavuti gake ndaa gakathera, nwa ta guo Nebukadinezarû akaûngania andû mathire vûrûrirî wa Misiri na aume kuo na ûvootani.

Jeremia 43:12 ပူးပေါင်းရင်းမြစ်များ

2Sam 5:21

Afilisiti nîmaatorokire na magîtiga ngai ciao cia mîvuanano kuo. Nake Daudi na andû ake nîmoocire mîvuanano îo na makîthiî nayo.

Esita 6:9

Mûndû ûcio nîekîrwe nguo icio nî mûndû ûrîa mûtîîe mûno vûrûrirî na amûthiûrûrûkie îtûûrarî ekarîrîte mbarathi akiugagîrîria atîrî, ‘Ûguo nîguo mûthamaki ekaga mûndû ûrîa atîîte!’ ”

Ayubu 40:10

Tonania ûrîa ûrî ngumo na wî mûtîîe, onania ûrîa wî mûnene na wî na ûvoti.

Thaburi 104:2

wîkunîkîrîte na ûtheri ta nguo, ûtambûrûkîtie îgûrû ta îgema,

Thaburi 132:16

Nîngecûria athînjîri-Ngai a kuo ûvonokio, nao andû a kuo nîmakaanîrîra nî gûkena.

Thaburi 132:18

Nîngaatûma nthû ciake igîe na gîconoko, nwatî nthûmbî yake ya ûthamaki nîîgaakengaga îrî kîongorî gîake.”

Ntha 12:12

“Ûtukû ûcio nie nîngaavîtûkîrîra vûrûri wa Misiri na mbûrage marikithathi monthe ma njamba, ma andû wana ma nyamû, na mverithie ngai cionthe cia Misiri. Nie nî nie Ngai-Mûnene.

Isaia 19:1

Îno nîyo ndûmîrîri îgiî Misiri: Ngai-Mûnene nîaûkîte vûrûrirî wa Misiri, aûkîte ekarîrîte îtu rîthiîte na îvenya, mîvuanano ya ngai cia Misiri nîgaatetemaga îrî mbere yake, nao andû a Misiri nîmakaathira vinya ngoro.

Isaia 21:9

Taroria maûkîte matwîte mbarathi, na marî aîrî kwa aîrî. Mûrangîri ûcio nîwacokire akiuga atîrî, “Babuloni nîngwîu! Mîvuanano yonthe ya ngai ciakuo nîmiunange na îkagwîthua nthî.”

Isaia 46:1

“Beli nîînamîrîrîte, Nebo nî ngwîu nthî; mîvuanano ya ngai icio îkuuîtwe nî nyamû na ng'ombe, indo ino ititikithîtue mvunda, nî mîrigo îrî mîrukuthurî ya nyamû icio nogu.

Isaia 46:2

Irenamîrîra na ikagwa irî vamwe, ngai icio itingîîvonokia, nwatî wanacio nîikaathiî îthamîriorî.

Isaia 49:18

Vingûra metho ûrorie mîena yonthe na wone; andû aku onthe maûnganîte vamwe maûkîte kûrî we! Wata ûrîa nie ndûûraga mwoyo, ûgeekîra andû aya onthe ta nguo, wata ûrîa wîkagîra nguo cia kwîgemia nacio, na ûmeyove wata ûrîa mûviki eyovaga rîrîa akwîgemia na mathaga make.

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Isaia 59:17

Nîekîra ûthingu takwa arî guo ngo ya kwîgitîra kîthûri, na ekîre ûvonokio kîongorî gîake ta ngovia ya kûgitîra kîongo. Nîeîkîra wîrîvîrîria ta nguo, na eyove wîru ta mûcivi.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 61:5

Ageni nîo makaamûrîthagîria ndîthia cienyu, nîo makaamûrîmagîra mîgûnda yenyu, na mamenyagîrîre mîgûnda yenyu ya mîthavibu.

Jeremia 10:11

Kwoguo nîmûkaamera atî: “ngai irîa itaûmba nthî na îgûrû nîikaathira cionthe gûkû nthî.”

Jeremia 10:15

Ngai icio nî cia mana na nî cia kînyarari; vîndî îrîa ikaverithua nî ikathirua.

Jeremia 25:19

Faraû, mûthamaki wa Misiri, ndungata ciake, anene ake, vamwe na andû ake onthe;

Jeremia 43:13

Nîakomomora itugî cia mathiga ma kîririkano irîa irî Heliopoli vûrûrirî wa Misiri na avîvie hekarû cia ngai cia mîvuanano cia Misiri.”

Jeremia 46:25

Ngai-Mûnene mwene vinya wonthe Ngai wa Isiraeli augire atîrî, “Taroria, nie nîngaverithia Amoni ngai ya Thebesi, Misiri na ngai ciake na athamaki ake, vamwe na andû arîa mamwîtîkîtie.

Jeremia 48:7

We Moabu nîwevokire ûvoti waku na ûtonga waku, nwatî rîu wanawe nîûgatavwa; ngai yaku Kemoshi nîîkavirwa îthamîriorî, vamwe na athînjîri-Ngai na ndungata ciake.

Jeremia 49:27

Nîngagwatia nthingo cia Damesiki mwaki, na nîûkavîvia nthigo cia kwîgitîra Benihadadi.”

Jeremia 50:2

“Anîrîrani mavûrûrirî, îkîrani imenyithia na mwanîrîre, mûtikathithe wanarî ûndû; ugani atî: ‘Îtûûra rîa Babuloni nîrînyite! Beli ngai yarîo nînjonorithie, Merodaki ngai yarîo nîmbagagu; Mîvuanano ya ngai cia Babuloni nîmîconorithie.’

Jeremia 51:44

Nîngaverithia Beli ngai ya Babuloni, na ndûme îrute kîrîa îmeretie; mavûrûri matikaathiî kûrî ke rîngî. Rûthingo rwa Babuloni nîrwomomoku.

Ezek 29:11

Îvinda rîa mîaka mîrongo îna vûrûri ûcio ndûgaatûrwa nî andû na gûtirî mûndû ûkaavîtûkîrîra kuo kana nyamû îvîtûkîrîra kuo.

Ezek 29:19

Kwoguo, nie Ngai-Mûnene Ngai nîngaanenganîra vûrûri wa Misiri kûrî Nebukadinezarû, mûthamaki wa Babuloni. Nî agaatava indo ciake cionthe na akuue ûtonga wa vûrûri wa Misiri nîguo ûtuîke îrîvi rîa athigari ake a mbaara.

Ezek 30:13

Ngai-Mûnene Ngai arauga atîrî, “Nîngaacûkangia mîvuanano na njûkangie ngai cia maveeni irîa igoocagwa îtûûrarî rîa Mefisi. Gûtikaagîa na mûthamaki rîngî kûu Misiri, na nîngaatûma andû a vûrûri ûcio mecûrwe nî guoya.

Danieli 11:8

Wana nî agaakuua ngai ciao cia mîvuanano athiî nacio Misiri wa vamwe na indo cia thaavu na cia sîlûva irîa itegeretwe ngai icio. Gûkethîrwa kûrî na thayû mîaka mîîngî.

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.

Aroma 13:12

Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.

Aefeso 4:24

Nwanginya mwîkîre ûmûndû mûcerû ûrîa ûmbîtwe ûvananîte na Ngai na wîyonithanagia ûtûûrorî wa ma ûrîa mûthingu na mûtheru.

Aefeso 6:11

Îkîrani indo cionthe cia mbaara cia Ngai nîguo mûvotage kwîgitîra kuumana na mawara macûku ma Ngoma.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

Akol 3:14

Na maûndû mau monthe, endanagani nîûndû wendani nîguo ûgwatithanagia andû onthe na ngwatanîro nginyanîru.