Jeremia 42:3 - ÎVUKU RÎA ÛVORO MWARO

³ Tûvoere nîguo Ngai-Mûnene Ngai wetû atwonie njîra îrîa arenda tûrûmîrîre na ûrîa arenda twîke.”

Jeremia 42:3 ပူးပေါင်းရင်းမြစ်များ

1Atha 8:36

nakûthaitha ûkaamathikîrîria ûrî kûu îgûrû. Ûkoovera andû aku a Isiraeli mevia mao, na ûkaamathomithia mîtugo mîaro îrîa magîrîrwe nî kûrûmîrîra. Ûcoke urithie mbura vûrûrirî waku ûrîa waveere andû aku rîrî îgai rîao.

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Thaburi 27:11

Nthomithia, we Ngai-Mûnene, ûrîa ûkwenda mbîke, na ûndongorie njîrarî îrîa îrî na thayû, nîûndû nthû ciakwa nî nyîngî.

Thaburi 86:11

Nthomithia njîra ciaku, we Ngai-Mûnene, na nîngûkwathîkîra nîrî mwîvokeku; nthomithia nîguo ngûtungatage na ngoro yonthe.

Nthi 3:6

Ririkanaga Ngai-Mûnene maûndûrî maku monthe, nake nîakaarûngaria njîra ciaku.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Mika 4:2

Na andû a mavûrûri mengî nîmakaauga atîrî, “Ûkani tunûkie kîrîmarî Kîam Ngai-Mûnene, tûthiî hekarûrî ya Ngai wa Isiraeli, nîguo agatûthomithie mîthiîre yake, natue tûrûmagîrîre njîra ciake. Nîûndû watho ûkauma Zayuni, na kiugo Kîam Ngai-Mûnene gîkauma Jerusalemu.”

Gûco 5:26

Kûrî mûndû wanegua mûgambo wa Ngai ûrîa ûtûûraga mwoyo akîaria arî mwakirî ta ûrîa twîguîte na agatûûra mwoyo?

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.