Jeremia 42:22 - ÎVUKU RÎA ÛVORO MWARO

²² Kwoguo, rîu menyani nama atî kûndû kûu mwîrirîrîtie kûthiî gûtûûra, nîmûgaakuîra kuo nî mbaara, yûra na mîrimû.”

Jeremia 42:22 ပူးပေါင်းရင်းမြစ်များ

Isaia 30:3

Kwoguo ûgitîri ûcio wa mûthamaki wa Misiri nîûkaamûconorithia, nakuo kwîthitha vûrûrirî wa Misiri kûmwîguithie nthoni.

Jeremia 24:10

Nîngatûma magîe na mbaara, yûra na manyitwe nî mîrimû mîcûku nginya rîrîa magacûkangua onthe mathire viû vûrûrirî ûrîa namaveere vamwe na methe mao.”

Jeremia 42:17

Andû onthe arîa meriragîria kûthiî Misiri nîmagaakuîra kuo nî mbaara, yûra na mîrimû mîcûku. Gûtirî mûndû wanarî ûmwe ûgatigara, kana avonoke kuumana na mûthiro ûrîa ngamaretera.

Jeremia 43:11

Nîagaaûka na acûkangie vûrûri wa Misiri. Arîa maavangîrîtwe kûûragwa na mîrimû nîmakaaûragwa nayo, arîa maavangîrîtwe gûtavwa mavirwe îthamîriorî nîmagaatavwa, arîa maavangîrîtwe kûragîrwa mbaararî nîmakaaûragîrwa kuo.

Jeremia 44:12

Nîndiga nona atî andû a Juda arîa matigarîte na arîa matuîte atî nîmathiî gûtûûra Misiri nîmathira onthe, anene na anini. Nîmakuîra gûkû Misiri, marî mbaararî na makue nî yûra. Nîmagaatuîka gîko, kîndû gîa kûmakania, kîrumi na gîconoko.

Ezek 33:27

“Marîrie na ûmere nie Ngai-Mûnene nîrauga atî: Wata ûrîa ndûûraga mwoyo, andû acio onthe matûûraga matûûrarî mau momomoku nîmakaaûragwa. Arîa marî mîgûndarî makaarîwa nî nyamû cia kîthaka; na arîa marî kûndû kûrîa kûgitîre na ngurungarî makaaûragwa nî mîrimû mîcûku.

Ezek 6:11

Ngai-Mûnene augîte atîrî, “Inainia njara ciaku na ûringithie magûrû maku nthî na uuge: Wûi nîûndû wa maûndû marîa marî mûgiro manekwa nî andû a Isiraeli. Andû a Isiraeli nîmakaaûragwa nî mbaara, yûra na mîrimû.

Ezek 6:12

Arîa marî kûraca makarwara na makue. Arîa marî vakuvî makaaûragîrwa mbaararî, nake ûrîa ûkaavonoka maûndû mau maîrî akaaûragwa nî yûra. Ûguo nîguo ngaathiria marûrû makwa kûrî o.

Hosea 9:6

Rîrîa mûkaûrîra gûcûkangua kwa vûrûri wenyu, nîmûkaagwatwa ûgeni Misiri, nwatî mûkathikwa Memufisi. Igîîna cienyu cia sîlûva igecûra mavûngo, mîgua îgecûra magemarî menyu.