Jeremia 41:5 - ÎVUKU RÎA ÛVORO MWARO

⁵ andû anana maumîte Shekemu, Shilo na Samaria nîmaakinyire. Nao menjetwe nderu, na marî na nguo ndembûkangu na metemangîte mîîrî nîguo monanie atî nîmarenyerekia. Maakuîte matega ma irio cia mîgûnda na ûbani mavirîte hekarûrî ya Ngai-Mûnene.

Jeremia 41:5 ပူးပေါင်းရင်းမြစ်များ

Kîam 33:18

Jakovu nîwakinyire îtûûrarî rîa Shekemu vûrûrirî wa Kanaani aumîte Padani-aramu arî na thayû. Nîwacokire akîamba îgema rîake vakuvî na îtûûra rîu.

Kîam 34:2

Rîrîa Shekemu mûvîcî wa Hamori ûrîa Mûhivi oonire Dina, nîwamûnyitire na akîmûmenya kîîmwîrî na vinya. Shekemu nîke warî mûnene wa vûrûri ûcio.

Kîam 37:12

Vîndî îmwe aa mûrwang'ina na Josefu nîmaathiîre kûrîthia mbûri na ng'ondu cia îthe gûkuvî na Shekemu.

2Sam 10:4

Kwoguo Hanuni nîwanyitire anjaama acio a Daudi, akîmenjithia nderu mwena ûmwe wa mûndû wa mûndû, agîcoka agîtinithia nguo ciao kuuma kîûnûrî kûthiî na nthî, na akîmeera mathiî.

1Atha 12:1

Rehoboamu nîwathiîre Shekemu, nîûndû andû onthe a Isiraeli nîmaathiîte kuo makamûtue mûthamaki.

1Atha 12:25

Mûthamaki Jeroboamu wa Isiraeli nîwatumire îtûûra rîa Shekemu rîrîa rîrî vûrûrirî ûrîa ûrî irîma wa Efiraimu na agîtûûra kuo. Nîwacokire akiuma kûu na agîtuma îtûûra rîa Penueli.

1Atha 16:24

Nîwagûrire kîrîma gîa Samaria na sîlûva ngiri ithathatû (6,000) kuuma kûrî Shemeri. Omuri nîwairigîre kîrîma kîu, agîtuma îtûûra kuo na akîrîtania na Shemeri ûrîa warî mwene kîrîma kîu. Omuri eetire îtûûra rîu Samaria.

1Atha 16:29

Mwakarî wa mîrongo îthatû na înana (38) Asa arî mûthamaki wa Juda, Ahabu mûvîcî wa Omuri nîwatuîkire mûthamaki wa Isiraeli na nîwathanire arî Samaria îvinda rîa mîaka mîrongo îîrî na îîrî (22).

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

1Maû 19:4

Kwoguo Hanuni nîwagwatire anjaama a mûthamaki Daudi, akîmenja nderu, agîtinîria nguo ciao gatagatî kîûnûrî na akîmera mathiî.

Thaburi 102:14

Ndungata ciaku nîciendete îtûûra rîu, wana ethîrwa nî rîomomoku, nîirarîguîra ntha wana ethîrwa nîrîcûkangu viû.

Thaburi 78:60

Nîwatiganîrie îgema rîake rîrîa rîarî Shilo, kûrîa aatûûraga gatagatîrî ka andû.

Isaia 15:2

Andû a Diboni nîmaunûkîtie kûrîa magoocagîra magacakae. Andû a Moabu mararîrîra matûûra ma Nebo na Medeba. Andû onthe nî enju ciongo ciao na makenja nderu ciao,

Jeremia 16:6

Itonga na athîni onthe nîmakuîra vûrûrirî ûyû, matikathikwa na gûtirî mûndû ûkamacakaîra, kana etemanga, kana enje kîrîa nîguo onanie atî nîaramacakaîra.

Jeremia 41:4

Mûthenya ûcio wîngî vuva wa Gedalia kûûragwa, na mbere ya andû mamenya ûrîa gwîkîkîte,

Jeremia 47:5

Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Jeremia 48:37

Andû onthe nîenju ciongo na nderu ciao. Onthe nîmetemangîte njara, na makeyova nguo cia macakaya ciûnorî.

Jeremia 7:12

Thiîni wa rîu Shilo, kûrîa nathuurîte mbererî ngocagîrwe kuo na mwone ûrîa nagûcûkangirie nîûndû wa waganu wa andû akwa a Isiraeli.

Jeremia 7:14

Kwoguo, nîmbîka hekarû yakwa îrîa mwîvokete na kûndû gûkû naveere methe menyu ta ûrîa nekire Shilo.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Josh 24:32

Andû a Isiraeli makiuma Misiri nîmaakuuire mavîndî ma Josefu. Nao nîmaamathikire Shekemu mûgûndarî ûrîa Jakovu aagûrîte kuuma kûrî avîcî a Hamori îthe wa Shekemu. Mûgûnda ûcio wagûrîtwe mbeca cia sîlûva îgana rîmwe. Mûgûnda ûyû nîwacokire ûgîtuîka wa njiarwa cia Josefu.

Atir 18:31

Mûvuanano ûrîa Mika aathondekete wekarire kuo mîthenya yonthe îrîa îgema rîrîa Ngai aagoocagîrwa rîekarire Shilo.

Atir 9:1

Abimeleki mûvîcî wa Gideoni nîwathiîre Shekemu kûrî aa mamawe, wana kûrî andû onthe a mûvîrîga wa ng'ina na akîmeera atîrî,

1Sam 1:7

Ûguo nîguo gwekîkaga wa mwaka wa mwaka; na vîndî îrîa yonthe maathiîcaga nyombarî ya Ngai-Mûnene, Penina nîwarakaragia Hana mûno. Na nîûndû wa ûguo Hana nîwarîraga nginya akarega kûrîa irio.