Jeremia 40:7 - ÎVUKU RÎA ÛVORO MWARO

⁷ Anene onthe a athigari a mbaara vamwe na andû ao nîmegwire atî mûthamaki wa Babuloni nîwathuurîte Gedalia mûvîcî wa Ahikamu atuîke mûnene wa vûrûri. Wana nîmegwire atî nîwamûtuîte mûrûngamîrîri wa arûme, aka, na ciana na andû arîa athîni arîa mataavirwa îthamîriorî Babuloni.

Jeremia 40:7 ပူးပေါင်းရင်းမြစ်များ

2Atha 25:12

Nwatî nîwatigire andû amwe arîa maarî athîni mûno kûu Juda nîguo mamenyagîrîre mîthabivû na marutage wîra mîgûndarî.

2Atha 25:4

Rûthingo rwa îtûûra nî rwomorirwe mwena ûmwe na mûthamaki vamwe na athigari onthe a mbaara nîmaaûrire ûtukû mavîtûkîrîrîte mûgûndarî wa mûthamaki. Maavîtûkîrîre kîvingorî kîrîa Kîamrî gatagatî ka nthingo igîrî, na nîmaathiîre merekerete mwena wa Araba, wana ethîrwa athigari a Babuloni nîmaarigicîrîtie îtûûra.

Jeremia 39:10

Nebuzaradani mûnene wa arangîri a mûthamaki, nîwatigire andû onthe arîa maarî athîni na mataarî wanarî kîndû kûu Juda, na akîmava mîgûnda ya mîthavibu wa vamwe na mîgûnda ya kûrîma.

Jeremia 39:14

nîmaavirire Jeremia kûrî Gedalia mûvîcî wa Ahikamu, mûvîcî wa Shafani, nîguo amûvire gwake mûciî. Jeremia nîwekarire vamwe na andû arîa engî.

Jeremia 39:4

Rîrîa Zedekia mûthamaki wa Juda na athigari ake onthe maamonire, nîmaaumire kûu îtûûrarî ûtukû makîûra. Mavîtûkîrîre mûgûndarî wa maûa wa mûthamaki, matonyerete mûrangorî ûrîa warî gatagatî ka nthingo igîrî na makîthiî merekerete Araba.

Jeremia 39:9

Nake Nebuzaradani na mûnene wa arangîri nîwocire andû acio engî maatigarire kûu îtûûrarî na arîa meevecanîte kûrî mûthamaki na makîmavira Babuloni marî mîgwate.

Jeremia 41:1

Mweri wa mûgwanja, Ishumaeli mûvîcî wa Nethania, na ûmawe Elishama wa nyomba ya ûthamaki, ûmwe wa atongoria arîa anene a mûthamaki nîmaathiîre Mizipa kwa Gedalia marî andû îkûmi. Vîndî îrîa marîcaga irio kûu Mizipa,

Jeremia 41:10

Ishumaeli nîwacokire agîtava erîtu a mûthamaki na andû acio engî maatigarîte marî Mizipa, arîa Nebuzaradani mûnene wa arangîri aatuîte Gedalia mûmenyereri wao. Ishumaeli mûvîcî wa Nethania nîwamatavire na akîringa nao vûrûri wa Aamoni.

Jeremia 41:11

Johanani mûvîcî wa Karea na atongoria onthe a athigari a mbaara nîmegwire maûndû monthe macûku marîa Ishumaeli mûvîcî wa Nethania eekîte.

Jeremia 43:6

Andû acio maarî: Arûme, aka, ciana, erîtu a mûthamaki, na andû onthe arîa Nebuzaradani mûnene wa arangîri aatigîte na Gedalia mûvîcî wa Ahikamu, na ûmawe aarî Shafani; nîmoocire wana Jeremia na Baruku mûvîcî wa Neria.

Jeremia 52:16

Nwatî Nebuzaradani mûnene wa arangîri a mûthamaki nîwatigire andû amwe arîa maarî athîni mûno matuîke a kûmenyagîrîra mîthavibu na a kûrîma.

Ezek 45:16

Andû onthe a vûrûri wa Isiraeli nîmakaavira matega mau kûrî mûnene ûrîa ûrathana Isiraeli.